जनयुद्धकै कारण सामन्तवाद परास्त र साम्राज्यवाद कमजोर बनेको हो : वामदेव

काठमाडौं । सत्तारुढ दल नेपाल कम्युनिस्ट पार्टी (नेकपा)का उपाध्यक्ष वामदेव गौतमले मोअवादी जनयुद्धकै कारण सामन्तवाद परास्त र साम्राज्यवाद कमजोर बनेको दावी गरेका छन्।

बिहीबार पार्टी केन्द्रीय कार्यालय धुम्बाराहीमा आयोजित श्रद्धाञ्जलि सभामा उपाध्यक्ष गौतमले जनयुद्धकको घटना विश्व इतिहासमै विरलै हुने घटना भएको बताएका छन। ‘जनयुद्ध र जनआन्दोलनले सामन्तवादलाई परास्त गर्नुका साथै साम्रज्यवादलाई कमजोर बनाउने काम गरेको हो’, उपाध्यक्ष गौतमले भने, ‘जनयुद्ध बलिदानको युद्ध हो, मुक्ति र संघर्षको युद्ध हो, यति ठूलो बलिदान संसारको इतिहासमा भएको थिएन।’

उपाध्यक्ष गौतमले जनयुद्ध र जनआन्दोलनका सहिदहरुलाई सम्मान गर्दै बहुदलीय प्रतिस्पर्धाका आधारमा समाजवाद स्थापनामा लाग्नुपर्ने बताएका छन।

उपाध्यक्ष गौतमले जनयुद्धका क्रममा तत्कालीन एमालेका करिब ३०० नेता–कार्यकर्ता मारिएकामा त्यसको लेखाजोखा पनि हुनुपर्ने बताएका छन।