अष्ट्रेलियाली कप्तान मेगले क्रिकेटबाट लिइन अनिश्चतकालिन विश्राम

काठमाण्डौंः अष्ट्रेलियाको महिला क्रिकेटकी कप्तान मेग ल्यानिङले व्यक्तिगत कारण देखाउँदै क्रिकेटबाट अनिश्चत समयका लागि विश्राम लिएकी छिन् ।

अष्ट्रेलियाले सन् २०२० र २०२२ मा भएको टि–२० र एकदिवसीय विश्वकपको उपाधि जित्दाको महत्वपूर्ण सदस्य रहेकी ल्यानिङले हन्ड्रेड गुमाउने भएकी छिन् ।

उनी हन्ड्रेडमा टे«न्ट रकेट्समा अवद्द छिन् । अष्ट्«लियाको घरेलु सिजन सेप्टेम्बरको अन्त्यमा राष्ट्रिय महिला क्रिकेट लिग तथा अक्टोबरमा वुमन्स बीग बास लिग हुँदैछ ।

अष्ट्रेलियाले अवे श्रृंखलाको रुपमा डिसेम्बरको मध्यतिर भारतमा टि–२० सिरिज खेल्दै छ भने दक्षिण अफ्रिकामा हुने टि–२० विश्वकप अघि जनावरीमा पाकिस्तानसँग खेल्ने तालिका रहेको छ ।

केही वर्षको व्यस्तता पछि, आफैमा ध्यान केन्द्रित गर्नका लागि विश्राम लिएको बताएकी छिन् । उनले क्रिकेट अष्ट्रेलिया र टोलीका साथीहरुको समर्थनका लागि आभारी रहेको बिताएकी थिइन् ।

अष्ट्रेलियाको महिला क्रिकेटको प्रमुख सदस्य शान फ्लेग्लरले मेगलाई विश्राम चाहिन्छ भनेर स्वीकार गरेकोमा आफुहरु गर्व गर्ने र यस समय उनलाई समर्थन गर्ने बताएकी छिन् ।

त्यस्तै मेलवर्न स्टार्सका महाप्रबन्धक ब्लेयर क्राउचले मेगले क्रिकेटबाट ब्रेक लिने निर्णयमा आफुहरुको साथ रहने र उनलाई आवश्यक पर्ने समय दिने बताएका छन् ।

ल्यानिङले सन् २०१० मा अन्तराष्ट्रिय क्रिकेटमा डेब्यु गरेकी हुन् । सन् २०१४ मा उनी २१ वर्षको उमेर कप्तानको जिम्मेवारी दिइएको थियो ।

उनले अष्ट्रेलियाबाट सबै फम्र्याट गरेर १७१ खेल खेल्दा १३५ मा अष्ट्रेलिया विजयी भएको छ । २०१७ देखि उनले केवल पाँच अन्तराष्ट्रिय खेल गुमाएकी छिन् ।