कोरोनाको आशंकामा ६ जनालाई टेकु र पाटन अस्पतालको आइसोलेसनमा राखियो

काठमाडौं । नोबल कोरोना (कोभिड-१९) भाइरसको संक्रमण हुनसक्ने आशंकामा बिहीबार ६ जनालाई आइसोलेसनमा राखिएको छ।

स्वास्थ्य तथा जनसंख्या मन्त्रालयका प्रवक्ता डा। विकास देवकोटाका अनुसार टेकुस्थित शुक्रराज ट्रपिकल तथा सरुवा रोग अस्पतालमा ४ तथा पाटन अस्पतालमा थप २ जना आइसोलेसनमा राखिएको हो।

उनीहरुलाई बिहीबार नै आइसोलियसनमा राखिएको र नमूना परिक्षणका लागि राष्ट्रिय प्रयोगशालामा पठाइएको उनले बताएका छन।

यसअघि कोरोना संक्रमणसँग मिल्दोजुल्दो लक्षण देखिँदा करिब साढे ४ सयको ल्याब परिक्षण गर्दा एकजना बाहेक कुनैमा पनि कोरोनाका लक्षण पाइएको छैन। एकजनामा लक्षण देखिएकोमा ती व्यक्ति पनि निको भइसकेका छन्।