यू–१५ महिला साफ च्याम्पियनसिपको उपाधि नेपालले हात पार्यो

काठमाण्डौंः नेपालले यू–१५ महिला साफ च्याम्पियनसिप फुटबलको उपाधि जितेको छ । ढाकामा शुक्रबार भएको डबल राउण्ड रोबिन लिगको अन्तिम खेलमा बंगलादेशसँग १–१ गोलको बराबरी खेलेसँगै उपाधि नेपालले जितेको हो ।

खेलको १४औँ मिनेटमा सुशिला केसीले गोल गर्दै नेपाललाई १–० गोलको अग्रता दिलाइन् । खेलको ५ औँ मिनेटमा रुमाले गोल गर्दै बंगलादेशलाई १–१ गोलको बराबरीमा पुर्‍याइन् । खेलको ८९औँ मिनेटमा बंगलादेशले पेनाल्टी पाएको थियो । तर, बंगलादेशकी बीबी रिताको प्रहार गरेको पेनाल्टी सुजता तामाङले उत्कृष्ट प्रदर्शन गरिन् । योसँगै खेल १–१ गोलको बराबरीमा सकिएपछि नेपालले उपाधि जितेको हो ।

नेपालले प्रतियोगितामा चार खेलबाट अपराजित रहँदै १० अंक बनायो । दोस्रो स्थानमा रहँदै उपविजेता बनेको बंगलादेशले चार खेलबाट सात अंक बनायो । भुटान भने अंकविहीन हुन पुग्यो ।

यसअघि नेपालले आफ्नो पहिलो खेलमा भुटानलाई ७–० गोलले हराएको थियो । त्यसपछि बंगलादेशलाई १–० ले हराएको नेपालले तेस्रो खेलमा भुटानलाई १–० ले हराएको थियो ।