कतार विश्व कपः सेनेगलले कतारलाई ३-१ गाेलले हरायाे

काठमाण्डाैंः फिफा विश्व कप फुटबल अन्तर्गत आज शुक्रवार भएकाे दाेस्राे खेलमा सेनेगलले कतारलाई हराएकाे छ ।

अल थुमामा रङ्गशालामा भएकाे खेलमा सेनेगलले कतारलाई ३–१ गाेलले हरायाे । बाेलाए डियाले खेलकाे ४१ औँ मिनेटमा गाेल गर्दै पहिलाे हाफमा सेनेगललाई १–० काे अग्रता दिलाएका थिए ।

सेनेगलले दाेस्राे हाफकाे तेस्राे मिनेटमै थप गाेल गर्दै २–० काे अग्रता बनायाे । सेनेगलका लागि फामारा देधिउले गाेल गरे । फेरि खेलकाे ७८ औँ मिनेटमा मोहम्मद मुन्टारीले कतारका लागि विश्व कप इतिहासकै पहिलो गोल गर्दै टाेलीलाई खेलमा फर्काउने प्रयास गरेका थिए । तर ८४ औँ मिनेटमा बाम्बा डिएङले गाेल गर्दै सेनेगललाई ३–१ काे अन्तरले जिताए ।

याे जितसँगै सेनेगल ३ अङ्कसहित समूह ‘ए’ काे तेस्राे स्थानमा छ । दुवै खेलमा पराजित कतार अङ्कविहीन हुँदै पुछारमा छ ।