कैलालीमा थप एकजना महिलामा कोरोना पोजेटिभ

धनगढी । कैलालीमा थप एकजना महिलामा कोरोना भाइरस पोजेटिभ भेटिएको छ । तथापि यसको आधिकारीक रुपमा पुष्टि हुन भने बाँकी छ।

उनी चैत ९ गते वीरगञ्जबाट कैलाली जिल्लामा आएको बुझिएको छ । वीरगञ्जमा चियापसल गर्ने उनी लम्कीचुहाको भुरुवामा आफन्तसँग बसेकी थिइन् ।

उनी वीरगञ्जबाट आएको थाहा पाएपछि स्थानीय जनप्रतिधिनिले चैत १७ गतेदेखि लम्की बहुमुखी क्याम्पसको क्वारेन्टाइनमा राखेका थिए।

कोरोना पोजेटिभ देखिएकी भनिएकी ति महिलालाई अहिले धनगढीस्थित सेती प्रादेशिक अस्पतालमा ल्याइएको छ।