मंग्सिर ५, २०८३ शनिबार November 21, 2026

टिपटप हेल्प नेपाल पुरुष भलिबलको फाइनलमा

लिग चरणको अन्तिम खेलमा त्रिभुवन आर्मीलाई ३-१ को सेटमा पराजित गर्दै हेल्प नेपाल फाइल प्रवेश

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः सातौं प्रधानमन्त्री एनभीए महिला तथा पुरुष राष्ट्रिय भलिबल क्लब लिगमा पुरुषतर्फ टिपटप हेल्प नेपाल फाइनलमा पुगेको हो ।

लिग चरणको अन्तिम खेलमा त्रिभुवन आर्मीलाई ३-१ को सेटमा पराजित गर्दै हेल्प नेपाल फाइल प्रवेश गरेको छ । उसले आर्मीलाई २९-२७, २१-२५, २५-२२ र चौथो सेट ३९-३७ को प्रतिस्पर्धात्मक सेटमा पराजित गरेको हो ।

पहिलो सेट निकै प्रतिस्पर्धी बन्दा हेल्प नेपालले लगातार २ अंक लिँदै पहिलो सेट जितेको हो । दोस्रो सेटमा आर्मी हेल्प नेपल माथि हाबी भयो । तेस्रो सेट हेल्प नेपालले जित्यो । चौथो सेट अत्यन्त प्रतिस्पर्धात्मक बन्दै ३७ प्वाइन्टको बराबरी सम्म लम्बियो । अन्त्यमा ३९-३७ मा हेल्प नेपल विजयी भयो ।

नेपाल पुलिससँग फाइनल भिडन्त पक्का गरेको टिप टप अपराजित टिम हो । सबै ६ खेल जितेको हेल्प नेपालको १६ अंक रह्यो । हेल्प नेपालसँग हारेको पुलिस १५ अंकसहित यसअघि नै फाइनलमा पुगेको थियो ।

फाइनल खेल भोलि शनिबार ३ बजे हुने छ । यसअघि भोलि १२ बजे महिलातर्फको फाइनलमा पुलिस र एपीएफबीच प्रतिस्पर्धा हुने छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया