टिकटकविरुद्धका रिट न्यायाधीश शर्माको इजलासमा

काठमाडौंः टिकटकमाथि प्रतिबन्धको निर्णयविरुद्धका रिट सर्वोच्च अदालतका न्यायाधीश विनोद शर्माको इजलासमा परेको छ। सोमबार न्यायाधीश डा. कुमार चुडालको एकल इजलास बस्नै नसकेपछि ती रिट ‘हेर्न नभ्याइने’मा परेका थिए ।

मन्त्रिपरिषद्ले कात्तिक २७ गते नेपालमा टिकटकमाथि प्रतिबन्ध लगाएको थियो । सो प्रतिबन्धको निर्णय कार्यान्वयन हुने वा रोकिने भन्ने सर्वोच्चको आदेशमा निर्भर रहन्छ सर्वोच्चले कारण देखाऊ आदेश मात्र जारी गरेमा भने अन्तिम फैसला नहुँदासम्म टिकटकमाथिको प्रतिबन्ध कायम रहनेछ ।

मन्त्रिपरिषद्को सो निर्णयविरुद्ध १४ रिट दर्ता छन् । वरिष्ठ अधिवक्ता दिनेश त्रिपाठी, अनन्तराज लुइँटेल, सुनीलरञ्जन सिंह, भद्रप्रसाद नेपाल, अञ्जन धिताल, यज्ञमणि न्यौपाने, रामकृष्ण बञ्जरा, प्रेमराज सिलवाल, त्रिलोकबहादुर चन्दलगायत अधिवक्ताले रिट दायर गरेका छन् ।