कार्तिक २७, २०८३ शुक्रबार
November 13, 2026
युग खबर
२०८० पुष ९, सोमबार
काठमाण्डौंः संक्रमणकालीन न्याय (टिआरसी)सम्बन्धी विधेयकका टुंगिन बाँकी विषयमा शीर्ष नेताहरूबीच आज पनि छलफल भएको छ।
प्रधानमन्त्रीको सरकारी निवास बालुवाटारमा केहीबेरदेखि बसिरहेको बैठकमा प्रधानमन्त्री पुष्पकमल दाहाल प्रचण्ड, उपप्रधान तथा रक्षामन्त्री पूर्णबहादुर खड्का, कांग्रेसका सभापति देउवा, एमाले अध्यक्ष ओली, कांग्रेस उपसभापति एवम् कानुनमन्त्री धनराज गुरुङ, माओवादी केन्द्रका उपमहासचिव वर्षमान पुन, एमाले सचेतक महेश बर्तौला, कांग्रेस नेता एवम् वरिष्ठ अधिवक्ता राधेश्याम अधिकारीलगायत नेता सहभागी छन् ।
सरकारले बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन, २०७१ लाई संशोधन गर्न बनेको विधेयक संसद्मा दर्ता गरेको छ । तर दलहरुबीच विधेयकका विषयहरुमाथि सहमति जुट्न सकिरहेको छैन भने पीडितहरुले पनि विधेयकका कतिपय व्यवस्थामाथि असन्तुष्टि जनाउँदै आएका छन् ।
संसद्को कानुन, न्याय तथा मानव अधिकार समितिले राजनीतिक सहमतिकै आधारमा विधेयकलाई टुंग्याउने निर्णय गरेसँगै नेताहरूबीच छलफल सुरु भएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया