आईओएमको डिनमा प्रा. डा. दिव्यासिंह शाह नियुक्त

काठमाण्डाैंः त्रिभुवन विश्वविद्यालय चिकित्साशास्त्र अध्ययन संस्थान (आईओएम)को डिनमा प्रा. डा दिव्यासिंह शाह नियुक्त भएकी छन् ।

प्रधानमन्त्री केपी शर्मा ओलीकी निजी चिकित्सक दिव्या सि‌ंह शाह त्रिवि कार्यकारी परिषद्को बुधबार अपरान्ह बसेको बैठकले सर्च कमिटीबाट सिफारिस भएका ३ जनामध्येमा प्रा डा शाहलाई डिनमा नियुक्ति गरेको हो ।

प्रा.डा. प्रेमराज ज्ञवालीको संयोजकत्वमा गठित तीन सदस्यीय सर्च कमिटीको बैठकले प्राडा. प्रदीप वैद्य, प्रा डा दिब्य सिंह शाह र प्रा डा. उत्तमकृष्ण श्रेष्ठको नाम सिफारिस गरेको थियो ।

त्रिवि आईओएमको डिनमा डा. शाह नियुक्त भएको उपकुलपति धर्मकान्त बाँस्कोटाले बताए । प्रा डा. शाह त्रिवि शिक्षण अस्पतालको मिर्गौला विभाग प्रमुख हुन् भने प्रधानमन्त्री केपी शर्मा ओलीको निजी चिकित्सक समेत हुन् ।

जेठ २२ मा प्रा डा. जगदीश अग्रवालले उमेर हदका कारण डिनबाट अवकाश पाएपछि उक्त पद रिक्त रहेको थियो ।