असार २९, २०८२ आइतबार
July 13, 2025
न्युज डेस्क
२०७७ असार ८, सोमबार
काठमाण्डौः भारतद्वारा अतिक्रमित भूमि, मिलेनियम च्यालेन्स कर्पोरेसन एमसीसी विवाद लगायत राष्ट्रियताको बिषयमा नेपालीलाई जागरण ल्याउने गित सार्वजनिक भएको छ । लेखक तथा पत्रकार नारायण नेपालले ‘विदेशी हैकम’ बोलको गित सार्वजानिक गरेका हुन् ।
संगीत दिवसको अवसर पारेर गीत युटुबमार्फत सार्वजनिक गरेकोे ‘विदेशीको हैकम’ मा नेपालको शब्दमा नारायण दंगालको संगित रहेको छ । ‘उठ जाग नेपाली जनता हो’ शब्दमा ममता खड्का र दामोदर न्यौपानेको स्वर दिएका छन् ।
गीतको म्युजिक भिडियोमा गायकद्धय खड्का र न्यौपानेसहित दीपक लामा, सम्राट घिमिरे, दिप शेर्पाली लगायतले अभिनय गरेका छन् । म्युजिक भिडियो दिप शेर्पालीले निर्देशन गरेका हुन् । नेपाली खोलानाला नदिसमेत विदेशीको कब्जामा पुगेको, सिमानाका बासिन्दा सास्तीमा रहेको भाव गितमा झल्काइएको नेपालले बताए ।
‘विदेशी हैकम सहनुहुँदैन, एकजुट भएर प्रतिकार गर्नुपर्छ भन्ने सन्देश गीतबाट दिइएको नेपालको भनाइ छ । यसअघि नेपालले एनसेलको करछुट बोलको अडियो गित बजारमा ल्याएका थिए । नेपालले नेपाली विद्यार्थी राजनीति, साहित्य, यात्रा संस्मरण लगायतका बिषयमा विभिन्न पुस्तक लेखिसकेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया