टी-२० विश्वकप : अस्ट्रेलियाले इंग्ल्याण्डलाई ३६ रनले हरायो

काठमाडौँः टी–२० विश्वकपमा अस्ट्रेलियाले इंग्ल्याण्डलाई ३६ रनले पराजित गरेको छ । बार्बाडोसको केन्सिङ्टन ओभलमा खेलिएको समूह ‘बी’को खेलमा टस जितेर पहिले ब्याटिङ गरेको अष्ट्रेलियाले २० ओभरमा सात विकेट गुमाएर २०१ रन बनाएको थियो ।

जवाफमा इङ्लिस टोलीले २० ओभरमा ६ विकेट गुमाएर १६५ रन मात्र बनाउन सक्यो । अस्ट्रेलिया यस विश्वकपमा २०० रनको अंक छुने पहिलो टोली बनेको छ । अब अष्ट्रेलियाले जुन ११ मा नामिबिया र इंग्ल्याण्डले जुन १३ मा ओमानको सामना गर्नेछ ।

यो जितसँगै अस्ट्रेलिया दुई खेलबाट दुई जित र चार अंक जोडेर समूह ‘बी’ को शीर्ष स्थानमा पुगेको छ । योसँगै स्कटल्याण्ड तीन अंकसहित दोस्रो स्थानमा छ । दुई अंकसहित नामिबिया तेस्रो र एक अंक जोडेको इंग्ल्याण्ड चौथो स्थानमा छ ।

ओमानले खाता खालेको छैन । इङ्ल्यान्ड र स्कटल्याण्डबीचको खेल वर्षाले रद्ध भएको थियो जसका कारण टोलीले सुपर आठमा छनोट हुने मौका गुमाउन सक्छ ।

अष्ट्रेलियाको इनिङ्स

टस हारेर पहिले ब्याटिङ गरेको अस्ट्रेलियाले २० ओभरमा सात विकेट गुमाएर २०१ रन बनाएको थियो । कुनै पनि अष्ट्रेलियाली ब्याट्सम्यानले ४० को अंक छुन सकेनन्, तर पनि टोलीले २००ं रन बनायो । ट्राभिस हेड र डेभिड वार्नरले टोलीलाई तीव्र सुरुवात दिलाए । दुवैले पाँच ओभरमा ७० रनको साझेदारी गरे ।

हेड १८ बलमा ३४ रन बनाएर आउट भए भने डेभिड वार्नर १६ बलमा ३९ रन बनाएर आउट भए । हेडले दुई चौका र तीन छक्का प्रहार गरे भने वार्नरले दुई चौका र चार छक्का प्रहार गरे । हेडलाई जोफ्रा आर्चरले क्लिन बोल्ड गरेका थिए भने वार्नरलाई मोइन अलीले क्लिन बोल्ड गरेका थिए । यसपछि कप्तान मिचेल मार्स र ग्लेन म्याक्सवेलबीच ६५ रनको साझेदारी भयो । यो साझेदारी लियाम लिभिङस्टोनले तोडेका थिए । उनले मार्सलाई आउट गरे ।

मार्सले २५ बलमा २ चौका र २ छक्का प्रहार गर्दै ३५ रनको इनिङ खेले । आदिल रासिदले म्याक्सवेललाई साल्टको हातमा क्याच आउट गराए । उनी २५ बलमा तीन चौका र एक छक्काको मद्दतले २८ रन बनाएर आउट भए । अस्ट्रेलियाको टोलीलाई १६८ रनको स्कोरमा पाँचौं झट्का लाग्यो ।

लियाम लिभिङस्टोनले टिम डेभिडलाई क्रिस जोर्डनबाट क्याच आउट गराए । उनले ११ रन बनाउन सके । स्टोइनिसले १७ बलमा दुई चौका र दुई छक्का प्रहार गर्दै ३० रनको इनिङ खेले । जोर्डनले उनलाई आउट गराए । यो टी–२० अन्तर्राष्ट्रियमा जोर्डन को १०० औं विकेट थियो । प्याट कमिन्सले खाता खोल्न सकेनन् । त्यस्तै, म्याथ्यु वेडले १० बलमा तीन चौकाको मद्दतले १७ रन बनाएर अविजित रहे ।

इंग्ल्याण्डका लागि क्रिस जोर्डनले २, मोइन अली, लियाम लिभिङस्टोन, आदिल रासिद र जोफ्रा आर्चरले १–१ विकेट लिए ।

इंग्ल्याण्डको इनिङ्स

जवाफमा इंग्ल्याण्डले उत्कृष्ट सुरुवात गरेको थियो । कप्तान जोस बटलर र फिल साल्टले ४३ बलमा ७३ रनको साझेदारी गरेका थिए । यसपछि एडम जाम्पा खेलमा हाबी भए । उनले फिल साल्ट र बटलरलाई प्याभिलियन पठाए ।

साल्ट २३ बलमा चार चौका र दुई छक्काको मद्दतले ३७ रन बनाएर आउट भए । योसँगै बटलरले २८ बलमा ५ चौका र दुई छक्का प्रहार गर्दै ४२ रनको इनिङ खेले । यी दुई आउट भएपछि इंग्ल्याण्डको इनिङ्स सुस्त भयो र कुनै पनि ब्याट्सम्यानले आक्रामक प्रहार गर्न सकेनन् ।

विल ज्याक १० रन बनाएर, जोनी बेयरस्टो ७ रन बनाएर, मोइन अली २५ रन बनाएर र लियाम लिभिङस्टोन १५ रन बनाएर आउट भए । जसमा ह्यारी ब्रुकले १६ बलमा २० रन र क्रिस जोर्डनले एक रनको अविजित इनिङ्स खेले । अस्ट्रेलियाका लागि प्याट कमिन्स र जाम्पाले समान २–२ विकेट लिए । योसँगै जोस हेजलउड र मार्कस स्टोइनिसले एक-एक विकेट लिए ।