मंग्सिर ६, २०८३ आइतबार November 22, 2026

स्वस्थ जीवनशैलीका लागि योग महत्वपूर्ण छ : मुख्यमन्त्री कँडेल

योगका माध्यमबाट स्वस्थ शरीरसँगै स्वस्थ विचारले समाजलाई सुसंस्कृत तथा समुन्नत बनाउन मद्दत पुग्ने विश्वास व्यक्त

शेयर गर्नुहोस:
फन्ट परिवर्तन गर्नुहोस: अ अ अ

सुर्खेत । कर्णाली प्रदेशका मुख्यमन्त्री यामलाल कँडेलले स्वस्थ जीवनशैलीका  लागि योगका माध्यमबाट समाजमा सकारात्मक प्रभाव पार्ने बताउनु भएको छ ।

पतञ्जलि योग समिति सुर्खेतले प्रदेश आयुर्वेद अस्पताल तथा अनुसन्धान केन्द्र, वीरेन्द्रनगर नगरपालिका र ग्लोबल आईएमई बैङ्कको सहयोगमा दशौं अन्तर्राष्ट्रिय योग दिवसको अवसर पारेर आयोजित सप्ताह व्यापी बृहत् योग, ध्यान तथा स्वास्थ्य परीक्षण शिविरको आज वीरेन्द्रनगरमा उद्घाटन गर्दै मुख्यमन्त्री कँडेलले योगका माध्यमबाट स्वस्थ शरीरसँगै स्वस्थ विचारले समाजलाई सुसंस्कृत तथा समुन्नत बनाउन मद्दत पुग्ने विश्वस्त व्यक्त गर्नु भएको हो ।

उहाँले विज्ञान र प्रविधिको विकासले मानव जीवनमा सकारात्मकसँगै केही नकारात्मक विचारहरू सँगसँगै बोकिरहेकाले योग, ध्यान र आधात्मकताका माध्यमबाट नराम्रा आनीबानी, व्यवहार हटाउँदै अनुशासित जीवन बिताउन मद्दत पुग्ने  बताउनु भयो । नेपाल तपोभूमि र देवो भूमिकारुपमा विश्वसामु चिनिएकाले आयुर्वेदका माध्यमबाट कर्णालीलाई सबल र समृद्ध बनाउन सबै जुट्नुपर्ने बेला आएको उहाँको भनाइ थियो ।  उहाँले योग र आयुर्वेदका माध्यमबाट स्वस्थ समाज निर्माणका लागि निरन्तर सहकार्य गर्दै सबैसँग हातेमालो गरेर प्रदेश सरकार अघि बढ्ने धारणा व्यक्त गर्नु भयो ।

कार्यक्रममा ‘महिला सशक्तीकरणका लागि योग’ भन्ने नारासहित दशौं अन्तर्राष्ट्रिय योग दिवसलाई सप्ताहव्यापी रूपमै मनाउनका लागि  प्रदेश आयुर्वेद अस्पताल तथा अनुसन्धान केन्द्रका निर्देशक डाक्टर शंकरप्रसाद रिजाल संयोजकत्वमा विभिन्न सङ्घसंस्थाका प्रतिनिधिहरुको सहभागिता रहेको पतञ्जलि योग समिति सुर्खेतका अध्यक्ष शेरबहादुर खड्काले जानकारी दिनु भयो ।

वीरेन्द्रनगरको खुला चौरमा जारी निःशुल्क योग, ध्यान तथा स्वास्थ्य शिविरमा चर्चित साध्वी देवकृपाले दैनिक करिब एक हजार नागरिकलाई प्रशिक्षण दिइरहनु भएको छ । योग, ध्यान शिविरमा कर्मचारी, राजनीतिक दलका नेता, सुरक्षाकर्मीसँगै आम नागरिकको सहभागिता रहेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार