भाद्र ३०, २०८३ मंगलबार
September 15, 2026
न्युज डेस्क
२०७७ असार १३, शनिबार
काठमाडौंः गुणस्तरीय सामान उत्पादन नगरेको भन्दै ६ वटा उद्योग कारवाहीमा परेका छन् । नेपाल गुणस्तर तथा नापतौल विभागले ४ वटा सिमेन्ट उद्योग एउटा ग्याँस उद्योग र एउटा रोलिङ मिल्सलाई कारवाही गरेको हो ।
यसरी कारवाहीमा पर्ने उद्योगहरुमा बाराको रिलायन्स सुपरटेक सिमेन्ट प्रालि, पर्साको इन्टरनेशनल सिमेन्ट प्रालि, रुपन्देहीको अग्नि सिमेन्ट उद्योग र नवलपरासीको सर्वोत्तम सिमेन्ट प्रालि रहेका छन् ।
यसैगरि काठमाण्डौको एभरेष्ट ग्यास उद्योग र मोरङको कमला रोलिङ्ग मिल्स समेत कारवाहीमा परेका छन् । विभागले रिलायन्स सिमेन्ट र इन्टरनेशनल सिमेन्टको इजाजतपत्र रद्द गर्नुका साथै एभरेष्ट ग्यास उद्योगको प्रमाणपत्र स्थगन गरेको छ । यस्तै, अग्नि सिमेन्ट, सर्वोत्तम सिमेन्ट र कमला रोलिङ्ग मिल्सलाई स्पष्टीकरण सोधेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया