मंग्सिर ६, २०८३ आइतबार November 22, 2026

धनुषा पूर्ण खोप सुनिश्चितता भएको जिल्ला घोषणा

मधेश प्रदेशमा पूर्ण खोप सुनिश्चितता घोषणा भएको जिल्लाको सङ्ख्या ६ पुग्यो

शेयर गर्नुहोस:
फन्ट परिवर्तन गर्नुहोस: अ अ अ

जनकपुरधाम । धनुषा आजदेखि पूर्ण खोप सुनिश्चितता भएको जिल्लाको रुपमा घोषणा भएको छ ।

जिल्ला स्वास्थ्य कार्यालय धनुषाले आज जनकपुरधाममा पूर्ण खोप सुनिश्चितता सम्बन्धि विशेष कार्यक्रममा मधेश प्रदेशका स्वास्थ्य तथा जनसङ्ख्या राज्यमन्त्री केशव रायले पूर्ण खोप सुनिश्चितता भएको जिल्ला घोषणा गर्नुभयो ।

योसँगै मधेश प्रदेशमा पूर्ण खोप सुनिश्चितता घोषणा भएको जिल्लाको सङ्ख्या ६ पुगेको छ ।

पूर्ण खोप सुनिश्चितता घोषणा कार्यक्रममा स्वास्थ्य तथा जनसङ्ख्या राज्य मन्त्री रायले खोप लिने उमेर समूहका बालबालिकाहरूलाई रोगसँग लड्नका लागि समयमा खोप लगाउन आवश्यक रहेको बताउनुभयो ।

उहाँले पूर्ण खोप सुनिश्चितता भएको घोषणालाई निरन्तरता दिनका लागि स्वास्थ्यकर्मीहरूको अहम् भूमिका हुने बताउनुभयो ।

मधेश प्रदेशका स्वास्थ्य निर्देशक डा.राजीव झाले मधेश प्रदेश सुगम जिल्ला भएपनि विभिन्न कारणले पूर्ण खोप सुनिश्चितता घोषणामा ढिलाइ भएको भन्नुहुँदै अबको दुई दिनमा बाँकी रहेको महोत्तरी र रौतहट जिल्ला पूर्ण खोप घोषणा गरी असार १५ गते प्रदेशलाई नै पूर्ण खोपको सुनिश्चितता भएको प्रदेशको रुपमा घोषणा गर्ने बताउनुभयो ।

राष्ट्रिय खोप समितिका सदस्य डा. हुकुमदेव साहले पूर्ण खोप सुनिश्चितता जिल्ला भएसँगै यसलाई निरन्तरता दिनका लागि नयाँ जन्म लिने कुनै बालबालिकाहरू खोप लिनबाट बञ्चित नहोस् भन्नेतर्फ ध्यान दिनका लागि आग्रह गर्नुभयो ।

धनुषाका प्रमुख जिल्ला अधिकारी रामुराज कडरीयाले धनुषा जिल्ला पूर्ण खोप सुनिश्चितता घोषणा भएसँगै स्वास्थ्यकर्मीहरूको जिम्मेवारी थप वृद्धि भएको बताउँदै खोप कार्यक्रमलाई थप प्रभावकारी बनाउनका लागि सुझाव दिनुभयो ।

स्वास्थ्य कार्यालय धनुषाका प्रमुख उमेशकुमार यादवले धनुषा जिल्लाका खोप लिने उमेर समूहका सबै बालबालिका पूर्ण खोप लिएपछि जिल्लालाई पूर्ण खोप सुनिश्चितता घोषणा गर्ने गरिएको बताउनुभयो ।

कार्यक्रममा जिल्लालाई पूर्ण खोप सुनिश्चितता गराउन विशेष योगदान दिनुभएका स्वास्थ्य कार्यालय धनुषाका प्रमुख उमेश यादव, विभिन्न पालिकाका खोप तथा स्वास्थ्य शाखाका प्रमुखहरूलाई दोसल्ला ओढाएर कदर पत्र प्रदान गर्दै सम्मानित गरिएको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार