राजसंस्थाको माग गर्दै सरकार बिरुद्ध सशक्त सडक आन्दोलनमा जाने समाजबादी काँग्रेसको निर्णय

काठमाण्डाैंः गोविन्द निराैला नेतृत्वको  नेपाल समाजवादी काँग्रेसले वर्तमान शासन सत्ता विरुद्ध सडक आन्दोलनमा जाने निर्णय गरेको छ ।

पार्टी अध्यक्ष गोविन्द निरौलाको अध्यक्षतामा राजधानीमा बसेको केन्द्रिय समितिको विषेश बैठकले विभिन्न रणनीति तयार गर्दै व्यापक सडक आन्दोलनमा जाने निर्णय गरेको हो ।

आईतबार पार्टी केन्द्रिय कार्यालय बिजुलीबजारमा बसेको केन्द्रिय समितिको बैठक

संवैधानिक प्रजातन्त्र, विषेषाधिकार सहितको राजसंस्था, हिन्दुराज्य, समाजवादी अर्थनीति र स्थानीय श्वशासन हुने व्यवस्थाको तर्जुमा नगरे देश बचाउन नसकिने निस्कर्ष निकाल्दै आन्दोलनमा जाने निर्णय गरेको सो पार्टीका सचीव मान बाहादुर गुरुङले जानकारी दिएका छन् ।

बैठकले आन्दोलनको लागि आवश्यक पर्ने श्रोत र सामग्री तयारी गर्ने, देशका विभिन्न चौबीस स्थानबाट आन्दोलन सुरु गर्ने निर्णय गरेको छ । आन्दोलनमा जनताहरुलाई व्यापक सहभागी गराउने सेवा र सुरक्षाको निकायमा भाईचारा सम्बन्ध विकास गर्ने, मुद्दामा सहमति जनाउने, राजनीतिक राष्ट्रवादी शक्तिहरु बिच एकात्मक कार्य अघि बढाउदै जाने निर्णय गरेको छ ।

आन्दोलन  शासक बर्गबाट हुने दमनलाई रोक्न ससक्त लडाकु दस्ता तयारी राख्ने जस्ता धेरै निर्णयहरु गरेको कुरा सचिव गुरुङले बताए । एक साता अगाडी मात्रै अबको संविधान कस्तो भन्ने विषयमा संविधानको मस्याैदा बनाएर छलफलमा उत्रेको नेपाल समाजवादी काँग्रेसको रणनीति बिस्तारै सरकार बिरुद्ध सकृय हुँदै गएको छ ।