असार २१, २०८१ शुक्रबार
July 5, 2024
युग खबर
२०८१ असार १७, सोमबार
काठमाण्डौंः प्रमुख तीन दलका शीर्ष नेताको बैठकले सङ्क्रमणकालीन न्याय सम्बन्धी विधेयकका मिल्न बाँकी विषयलाई टुङ्गो लगाउन सहजीकरण कार्यदल गठन गरेको छ ।
आइतबार बेलुका तीनै दलले दलका तर्फबाट रहने सदस्य तोकेपछि सहजीकरण कार्यदल गठन भएको हो । कार्यदल गठन भएसँगै अब यसले विधेयकका मिल्न बाँकी विषयमा छलफल थाल्ने छ ।
सहजीकरण कार्यदलमा कांग्रेसका तर्फबाट रमेश लेखक, एमालेका महेश बर्तौला र माओवादीका जनार्दन शर्मा सदस्य रहनुभएको छ ।
कार्यदलका सदस्य एमालेका प्रमुख सचेतक महेश बर्तौलाले यसअघि मस्यौदामा भएका असहमतिका बुँदामा छलफल गरी कार्यदलले साझा धारणा बनाउने जानकारी दिनुभयो ।
प्रधानमन्त्री निवास बालुवाटारमा गत शुक्रवार प्रधानमन्त्री प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीबिचको छलफलपछि सहजीकरण कार्यदल गठन गर्ने सहमति भएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया