मंग्सिर ६, २०८३ आइतबार November 22, 2026

सिन्धुलीका ७ पालिका पूर्ण खोप सुनिश्चित घोषित

जन्मेदेखि पाँच वर्षभित्रका बालबालिकाले सबै खालको पूर्ण खोप लगाएको दाबी

शेयर गर्नुहोस:
फन्ट परिवर्तन गर्नुहोस: अ अ अ

सिन्धुलीमाढी, असार २५ गते । सिन्धुली जिल्लाका नौ वटा स्थानीय तहमध्ये सात वटा तहलाई ‘पूर्ण खोप सुनिश्चित पालिका’ घोषणा गरिएको छ । कमलामाई नगरपालिकालाई सोमबार पूर्ण खोप सुनिश्चित पालिका घोषणा गरिएसँगै जन्मेदेखि पाँच वर्षभित्रका बालबालिकाले सबै खालको पूर्ण खोप लगाएको पालिकाको सङ्ख्या सात पुगेको स्वास्थ्य कार्यालयले जनाएको छ ।

कार्यालयका खोप अधिकृत पुष्पराज पन्तका अनुसार पूर्ण खोप सुनिश्चित तथा दिगोपना घोषणा गरिएका पालिकाहरुमा कमलामाई नगरपालिका, दुधौली नगरपालिका, तीनपाटन गाउँपालिका, गोलन्जोर गाउँपालिका, सुनकोसी गाउँपालिका, मरिण गाउँपालिका र हरिहरपुरगढी गाउँपालिका छन् । अब फिक्कल र घ्याङ्लेख गाउँपालिकालाई मात्रै उक्त घोषणा गर्न बाँकी छ ।

बाँकी ती दुई पालिका पनि यही असारभित्रै घोषणा हुने तयारी अवस्थामा रहेको उहाँले बताउनुभयो । खोप अधिकृत पन्तले भन्नुभयो, “घरधुरी सर्वेक्षणदेखि गर्नुपर्ने सबै काम सकिएको छ । अब औपचारिक कार्यक्रम गरी घोषणा गर्न मात्रै बाँकी छ ।”

blog

बालबालिकाले जन्मेको १५ महिनासम्म नियमित खोप लगाउनुपर्ने र १६ महिनादेखि ५९ महिनाभित्र सबै बालबालिकाले पूर्ण खोप लगाइसकेकाले ती पालिकालाई पूर्ण खोप सुनिश्चित पालिका घोषणा गरिएको कार्यालयले जनाएको छ ।

कमलामाई नगरपालिका स्वास्थ्य शाखा प्रमुख केम थापाले नगरपालिकाभित्र जन्मेदेखि पाँच वर्षभित्रका चार हजार ८९८ जनाा सबै बालबालिकाले पूर्ण खोप लगाएकाले औपचारिक कार्यक्रम बीच ‘पूर्ण खोप सुनिश्चितता पालिका’ घोषणा गरिएको जानकारी दिनुभयो । उहाँका अनुसार नगरपालिकामा गत चैत/वैशाख महिनामा गरिएको घरधुरी सर्वेक्षणमा जन्मेदेखि १५ महिनासम्म नियमिति खोप लगाउने बालकालिकाको सङ्ख्या एक हजार ९६ छ । १० महिनादेखि ५९ महिनासम्म पूर्ण खोप लगाउने बालबालिका तीन हजार ७७२ छन् । खोप नै नलगाउने बालबालिका छ जना फेला परेका थिए। आंशिक खोप लगाउने बालबालिका २४ जना फेला परेका थिए ।

सबै बालबालिकालाई खोपको दायरामा ल्याई नगरपालिकालाई पूर्ण खोप सुनिश्चित पालिका घोषणा गरिएको उहाँले बताउनुभयो । कमलामाई नगरपालिकाभित्र अब कुनै पनि बालबालिका खोपबाट वञ्चित नभएको र मानिसको सबैभन्दा ठूलो सम्पत्ति भनेकै स्वास्थ्य भएको नगरप्रमुख उपेन्द्रकुमार पोख्रेलले बताउनुभयो । उहाँले भन्नुभयो, “आगामी दिनमा पनि कुनै पनि बालबालिका खोपको दायरा बाहिर हुने छैनन् ।”

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार