नेपालमा थप १८० जनामा कोरोना संक्रमण पुष्टिः संक्रमितको संख्या १५ हजार ९६४ पुग्यो

काठमाडौंः नेपालमा थप १८० जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता प्राडा.जागेश्वर गौतमका अनुसार नेपालमा कोरोना भाइरस संक्रमितको संख्या १५ हजार ९६४ पुगेको छ ।

त्यस्तै आजै थप २६४ जना कोरोना संक्रमित डिस्चार्ज भएका छन्। योसंगै कोरोना भाइरस निको भएर घर फर्किनेको संख्या ६८११ पुगेको छ।

त्यस्तै नेपालमा कोरोना भाइरसको कारण थप एक जनाको मृत्यु भएको छ। यो संगै  नेपालमा कोरोना भाइरसको कारण हालसम्म मृत्यु हुनेको संख्या ३५ पुगेको छ।

संक्रमितहरू सबैको स्वास्थ्य अवस्था सामान्य रहेको र उनीहरू स्वास्थ्यकर्मीको सम्पर्कमा रहेको मन्त्रालयले जनाएको छ।

पछिल्लो समय नेपालमा दैनिक कोरोना भाइरस संक्रमणको संख्या वृद्धि भइरहेको छ।