नेपाल प्रिमियर लिगमा आज कर्णाली-चितवन र लुम्बिनी–पोखरा भिड्दै

काठमाण्डौंः नेपाल प्रिमियर लिग (एनपिएल) मा आज (शुक्रबार) पनि दुई वटा खेल हुँदैछन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा बिहान ९ बजे हुने पहिलो खेलमा कर्णाली याक्स र चितवन राइनोज भिड्दै छन् । कर्णालीले यसअघि खेलेका दुवै खेल हारेको छ भने चितवनले दुवै खेल जितेको छ ।

आजै दिउँसो १ बजे त्रिवि मैदानमै हुने दोस्रो खेलमा लुम्बिनी लायन्स र पोखरा एभेन्जर्स खेल्दै छन् । अहिलेसम्म एक खेल खेलेको लुम्बिनि त्यसमा पराजित भएको छ । पोखराले पनि अहिलेसम्म खेलेका दुवै खेल हारेको छ ।