मंग्सिर ४, २०८३ शुक्रबार November 20, 2026

चर्च व्वाइजसँग स्तब्ध गोर्खा व्वाइज

खेलको अन्तिम समयमा आक्रामक बनेको रुपन्देहीले गोल गर्न नसके पछि पहिलो क्वाटर फाइनलबाट घर फर्किएको छ

शेयर गर्नुहोस:
फन्ट परिवर्तन गर्नुहोस: अ अ अ

इलाम । लिग विजेता चर्च व्वाइजसँग स्तब्ध बन्दै गोर्खा व्वाइज रुपन्देही क्वाटर फाइनलबाट बाहिरिएको छ । डोमलाल रङ्ग शालामा भएको खेलमा तीन शून्य गोलले पाखा लगाउँदै लिग विजेता तथा इलाम गोल्ड कपको उपविजेता चर्च व्वाइज सेमिफाइनलमा प्रवेश गरेको हो ।

मध्यान्तर अघि नै तिन गोल गर्दे टिमलाई बलियो बनाएको चर्च व्वाइज सामु रुपन्देही स्तब्ध बन्न पुग्यो । खेलको २९ मिनेटमा दीपेश गुरुङले गोल गर्दे टिमलाई अग्रता दिलाए । ४० मिनेटमा समिर तामाङको कर्नर प्रहारलाई विदेशी खेलाडी आर्मन्डले गोल गर्दे अग्रता दोब्बर बनाएका थिए ।

मध्यान्तर अघिको इन्जुरी समयमा विदेशी खेलाडी डिकाले गोल गर्दे टिमलाई थप बलियो बनाउन पुगे । मध्यान्तर अघि नै तीन गोलले पछाडि रुपन्देहीले खेल फर्काउने समय पाए पनि सदुपयोग गर्न सकेन । दबाबमा रहेको रुपन्देहीले मध्यान्तर पछि खेल फर्काउने रणनीतिका साथ मैदान प्रवेश गरे पनि गोल गर्न सकेन ।

खेलको आठ मिनेटमा चर्च व्वाइजका कमल श्रेष्ठको प्रहार फितलो बन्न पुग्यो । १० मिनेटमा रोहन कार्कीको फितलो प्रहार निशान रानाले सहजै नियन्त्रणमा लिए । १४ मिनेटमा डी बक्सभित्रबाट समीरले प्रहार गर्न चुकेका थिए । २० मिनेटमा समीरकै प्रहार आकासिन पुग्यो । २४ मिनेटमा विदेशी खेलाडी आर्मन्डको प्रहार गोल पोस्ट माथिबाट बाहिरियो ।

२९ मिनेटमा गोल गर्दे अग्रता बनेको चर्च व्वाइजले ३१ मिनेटमा दोब्बर बनाउने अवसर सदुपयोग गर्न सकेन । ३७ मिनेटमा समीरको फितलो प्रहार बन्न पुग्यो । ६१ मिनेटमा आर्मन्डले डिबक्सबाट पाएको अवसर आकासियो । ७६ मिनेटमा रोहन कार्कीको प्रहार फ्रेममा परेन । ८४ मिनेटमा रोहनको क्रस पासलाई अर्मनले सदुपयोग गर्न सकेनन् ।

यता सुरु देखिनै दबाबमा रहेको गोर्खाज व्वाइज रुपन्देहीले सृजना गरेको अवसर सदुपयोग गर्न नसक्दा क्वाटर फाइनलबाटै बाहिरिन पुग्यो । खेलको १६ मिनेटमा सुजित जङ्ग बुडाथोकी निकै राम्रो अवसर सदुपयोग हुन सकेन । १९ मिनेटमा कर्नरबाट पाएको अवसर रुपन्देहीले गोल सकेन । २५ मिनेटमा सचिन जङ्ग रावलको प्रहार गोल पोस्टमा परेन । ३२ मिनेटमा पाएको निकै राम्रो अवसरबाट मनोज राई चुक्न पुगे । ४२ मिनेटमा एड फिलाको प्रहार फितलो बन्यो । ५९ मिनेटमा सरोज दर्लामी चुक्न पुग्दा गोल गर्ने अवसर खेर गयो ।

६० मिनेटमा रुपन्देहीको खाता खोल्ने अवसर सदुपयोग हुन सकेन । ६२ मिनेटमा डी बक्स नजिकैबाट फ्री किक मार्फत पाएको अवसर खराब बन्यो । ६९ मिनेटमा विदेशी खेलाडी रिचार्डको हेड राम्रो हुन नसके पछि रुपन्देहीको खेलमा फर्कने सम्भावना टुट्यो । ७८ मिनेटमा सरोज दर्लामीको प्रहार आकासिन पुग्यो ।

खेलको अन्तिम समयमा आक्रामक बनेको रुपन्देहीले गोल गर्न नसके पछि पहिलो क्वाटर फाइनलबाट घर फर्किएको छ । खेलको म्यान अफ द म्याच चर्च व्वाइजका डिका घोषित भए । बिहीबार न्युरोड फुटबल क्लब काठमाडौँ (एनआरटी) र चिलाङ एफ सी काठमाडौँ बिच हुने आयोजकले जनाएको छ ।

पुस ८ गते सम्म सञ्चालन हुने प्रतियोगिताको विजेताले नगद १० लाख तथा उपविजेताले नगद ५ लाख पुरस्कार पाउने आयोजक झापा ११ फुटबल क्लबका महासचिव गणेश पोखरेलले जानकारी दिए । राजधानी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
सुनको मूल्यमा ठूलो गिरावट, एकैदिन तोलामा १२ हजारभन्दा बढी सस्तियो
२०८३ मंग्सिर ४, शुक्रबार
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार