खो खो विश्वकपमा नेपाली महिला टोलीको विजयी सुरूवात

काठमाण्डौः खो-खो विश्वकपमा नेपालको महिला टोलीले विजयी सुरूवात गरेको छ।

नेपालको महिला टिमले पहिलो खेलमा भुटानलाई ९३-२४ ले हराएको हो। खेलको उत्कृष्ट खेलाडी नेपालकी मानमती धामी घोषित भइन्।

सरस्वती कठायतको कप्तानीमा रहेको महिला टोली नेपालले आजै अर्को खेलमा जर्मनीसँग खेल्ने छ। समूह सी मा नेपाल, भुटान, जर्मनीसँगै बंगलादेश र श्रीलंका छन्। नेपालले बुधबार श्रीलंकासँग, बिहीबार बंगलादेशसँग खेल्नेछ।

हरेक समूहबाट शीर्ष दुई टोली क्वाटरफाइनलमा प्रवेश गर्नेछन्। पुरुषतर्फ समूह ‘ए’ मा रहेको नेपालले पहिलो खेलमा भने भारतसँग ४२-३७ ले पराजित भएको थियो। पुरूष टोलीले आज पेरूसँग खेल्दै छ।