मंग्सिर ६, २०८३ आइतबार November 22, 2026

बागमतीमा आजबाट बृहत निःशुल्क आँखा परीक्षण शिविर सुरु

शुक्रबारबाट सुरु भएको आँखा परीक्षण शिविर क्रमशः नगरका विभिन्न वडाका आठ स्थानमा माघ ११ गतेसम्म सञ्चालन गरिने

शेयर गर्नुहोस:
फन्ट परिवर्तन गर्नुहोस: अ अ अ

सर्लाही, माघ ४ गते । सर्लाहीको बागमती नगरपालिकामा आजबाट बृहत आँखा परीक्षण शिविर सुरु भएको छ । नगरपालिका कार्यालयले तिलगङ्गा आँखा प्रतिष्ठान काठमाडौँसँग समन्वय गरी निःशुल्क आँखा शिविर प्रारम्भ गरेको हो ।

शुक्रबार पहिलो दिन बागमती नगरपालिका –९, स्थित जनजागृति प्राथमिक विद्यालय लालबन्दी टोलमा आयोजना गरिएको शिविरमा २४० जनाको आँखा परीक्षण गरिएको बागमती नगरपालिकाको स्वास्थ्य शाखाका संयोजक पदम रायमाझीले जानकारी दिनुभयो ।

रायमाझीका अनुसार २४० जनाको आँखा परीक्षण गरिएकोमध्ये ४३ जनामा मोतिया विन्दुको समस्या देखिएको छ । मोतिया बिन्दुका ती बिरामीलाई माघ १२ गतेदेखि १४ गतेसम्म बागमती नगरपालिका –५, स्थित जनता माध्यमिक विद्यालय सोल्टीमा आयोजना हुने मोतिया बिन्दुको शल्यक्रिया शिविरमा निःशुल्क शल्यक्रियाको प्रवन्ध मिलाइएको स्वास्थ्य शाखा संयोजक रायमाझीले बताउनुभयो ।

शुक्रबारबाट सुरु भएको आँखा परीक्षण शिविर क्रमशः नगरका विभिन्न वडाका आठ स्थानमा माघ ११ गतेसम्म सञ्चालन गरिनेछ । आठ ठाउँमा शिविर सञ्चालन गर्दा फेला परेका मोतिया बिन्दुका सोल्टीस्थित विद्यालयमा भेला पारेर माघ १२ गतेदेखि १४ गतेसम्म शल्यक्रियाको व्यवस्था मिलाएको नगरपालिकाको स्वास्थ्य शाखाले जनाएको छ ।

बागमती नगरपालिकाले वर्षेनी गर्दै आइरहेको निःशुल्क आँखा परीक्षण शिविर तथा मोतिया बिन्दुको शल्यक्रिया कार्यक्रम यो वर्ष समेत गरी छैठौं पटक सुरु भएको हो । शिविरमा आँखा परीक्षण तथा मोतिया बिन्दुको शल्यक्रियाका लागि तिलगङ्गा आँखा प्रतिष्ठान काठमाडौँबाटै चिकित्सक र प्राविधिक बागमती आएका छन् । गोप.

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार