मंग्सिर ४, २०८३ शुक्रबार November 20, 2026

पाँचौं टाइगर कप भलिबल : पुरुषतर्फ घरेलु टोली गण्डकी प्रदेश एलिमिनेटर राउण्ड प्रवेश

जित्ने समूहबाट त्रिभुवन आर्मी क्लब र नेपाल पुलिससँग पहिलो क्वालिफायर भेट सुनिश्चित

शेयर गर्नुहोस:
फन्ट परिवर्तन गर्नुहोस: अ अ अ

पोखरा । पाँचौं टाइगर कप राष्ट्रिय तथा अन्तर्राष्ट्रिय भलिबल प्रतियोगिताको पुरुषतर्फ घरेलु टोली गण्डकी प्रदेश एलिमिनेटर राउण्ड प्रवेश गरेको छ ।

बिहीबार पोखरा रंगशालाको भलिबल कोर्टमा टिपटप हेल्प नेपाल स्पोटर््स क्लबलाई ३–१ सेट हराउँदै गण्डकी एलिमिनेटरमा प्रवेश गरेको हो । पहिलो सेट २१–२५ ले गुमाएको गण्डकीले दोस्रो, तेस्रो र चौंथो सेटमा पुनरागमन गर्दै जित हासिल गरेको हो । गण्डकीले २१–२५, २५–२१, २५–२२ र २६–२४ सेटले खेल जितेको हो ।

गण्डकी ‘हार्ने समूह’ बाट शीर्ष ६ अंक प्राप्त गर्दै अब भारतको सुनिल भलिबल क्लबसँग एलिमिनेटर खेल्नेछ । २ खेलबाट १ अंक जोडेको भारतीय टिम तेस्रो स्थानमा रहँदै एलिमिनेटरमा पुगेको हो । पुरुषतर्फ ६ टिमले भाग लिएको प्रतियोगितामा हेल्प नेपाल र एपिएफ उपाधि होडबाट बाहिरिइसकेका छन् ।

जित्ने समूहबाट त्रिभुवन आर्मी क्लब र नेपाल पुलिससँग पहिलो क्वालिफायर भेट सुनिश्चित भएको छ । भारतको सुनिल भलिबल क्लबलाई ३–२ सेटमा पराजित गर्दै आर्मीले पहिलो क्वालिफायर खेल्ने पक्का गरेको हो । आर्मीले २०–२५, २५–१८, २५–२३, २३–२५ र १५–१२ सेटमा जितेको हो ।

बिहीबार महिलातर्फको खेलमा नेपाल पुलिस क्लबलाई ३–० को सोझो सेटमा पराजित गर्दै टिपटप न्यू डायमण्ड यूथ स्पोट्र्स क्लब दोस्रो क्वालिफायरमा प्रवेश गरेको छ । न्यू डायमण्डले फाइनल प्रवेशका लागि एपिएफ र आयोजक टाइगर ग्रुपको पराजित हुने टोलीसँग प्रतिस्पर्धा गर्नेछ ।

शुक्रबार महिला र पुरुष दुवैतर्फ पहिलो क्वालिफायर र शनिबार पुरुषतर्फ एलिमिनेटर खेल हुनेछ । टाइगर ग्रुप अफ पोखरा नेपालको आयोजनामा जारी खेलको आइतबार फाइनल हुनेछ ।

महिला तथा पुरुष दुवैतर्फ विजेताले ५ लाख ८५ हजार रुपैयाँ पाउने छन् । उपविजेताले २ लाख ८५ हजार र तृतीयले १ लाख ८५ हजार रुपैयाँ पाउने प्रतियोगिता संयोजक रामकृष्ण ज्ञवालीले बताए । सर्वाेत्कृष्ट खेलाडीले २५ हजार प्राप्त गर्दा विधागततर्फ उत्कृष्टलाई जनही १० हजार रुपैयाँ प्रदान गरिनेछ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार