मंग्सिर ४, २०८३ शुक्रबार November 20, 2026

स्व. कृष्णप्रसाद भट्टराई स्मृति गोल्डकप : दमक एकेडेमी फुटबल क्लबको विजयी सुरूआत

विजेता टिमले नगद दुई लाख ५० हजार प्राप्त गर्ने

शेयर गर्नुहोस:
फन्ट परिवर्तन गर्नुहोस: अ अ अ

इटहरी । स्व. कृष्णप्रसाद भट्टराई स्मृति गोल्डकपको उद्घाटन खेलमा दमक एकेडेमी फुटबल क्लबले विजयी सुरूआत गरेको छ । कोशी प्रदेशस्तरीय प्रतियोगिताको बिहीबार इटहरी ५ स्थित जनता बहुमुखी क्याम्पसको खेल मैदानमा दिउँसो भएको उद्घाटन खेलमा दमक एकेडेमीले न्यू स्टार क्लब बराहक्षेत्रलाई १–० गोल अन्तरले पराजित गर्दै विजयी सुरूआत गरेको हो ।

दमकका लागि खेलको १५ औँ मिनेटमा एनोस मगरले निर्णायक गोल गरे । खेल अवधिभर दुवै टिमबाट गोल नभएपछि उक्त गोल नै निर्णायक बन्यो । खेलको म्यान अफ दि म्याच उनै मगर घोषित हुँदै नगद पाँच हजार प्राप्त गरे ।

इटहरी उपमहानगरपालिकाका नगर प्रमुख हेमकर्ण पौडेलले प्रतियोगिताको उद्घाटन गरेका थिए । उनले बल रेफ्रीलाई हस्तान्तरण गरी प्रतियोगिताको उद्घाटन गरे । कोशी प्रदेशमै इटहरी उपमहानगरले खेल क्षेत्रको लागि सबैभन्दा बढी महत्व दिएको उनको भनाइ छ ।

‘संसारको मन जितेको फुटबल खेललाई इटहरी उपमहानगरपालिकाले विशेष महत्व दिएको छ । इटहरीलाई खेलकुदको हब बनाउनका निम्ति विद्यालय क्षेत्रबाटै खेललाई जोड्न आवश्यक छ,’ नगर प्रमुख पौडेलले भने, ‘खेलकुदमा थप बजेट छुट्याउनका निम्ति अर्को वर्ष हामीले चासो दिन्छौँ । इटहरीमा एक वा दुई मात्रै होइन, थुपै्र प्रतियोगिताहरू हुन आवश्यक छ ।’

आयोजक द योङ ब्रदर्श क्लबका अध्यक्ष विजय सुब्बाका अनुसार प्रतियोगिताको विजेता टिमले नगद दुई लाख ५० हजार प्राप्त गर्नेछ । उपविजेता टिमले नगद एक लाख ३० हजारमा चित्त बुझाउने उनले बताए ।

अघिल्लो वर्ष विजेतालाई दुई लाख २२ हजार प्रदान गरिएको थियो भने उपविजेताले एक लाख ११ हजार रुपैयाँ प्राप्त गरेका थिए । तर, यस वर्ष पुरस्कार राशि बढाइएको उनले बताए ।

प्रत्येक खेलको म्यान अफ दि म्याच हुने खेलाडीलाई नगद पाँच हजार प्रदान गरिनेछ । यसैगरी विधागततर्फ सर्वोत्कृष्ट खेलाडीलाई नगद १० हजार, उत्कृष्ट गोलरक्षकलाई नगद १० हजार, उत्कृष्ट डिफेन्डरलाई नगद १० हजार, उत्कृष्ट मिड फिल्डरलाई नगद १० हजार, उत्कृष्ट स्ट्राइकरलाई नगद १० हजार र सर्वाधिक गोलकर्ता खेलाडीलाई नगद १० हजारसहित ट्रफी र मेडलसहित प्रमाणपत्र वितरण गरिने खेल संयोजक एवम् क्लबका संरक्षक विकास केसीले जानकारी दिए ।

प्रतियोगितामा २२ लाख ५५ हजार रुपैयाँ खर्च हुने अनुमान गरिएको उनले जनाए ।

खेल तालिका अनुसार शुक्रबार आयोजक द योङ ब्रदर्श क्लब इटहरी र केराबारी फुटबल क्लब मोरङबीच प्रतिस्पर्धा हुनेछ । तेस्रो दिन १९ गते लोहोरुङ फुटबल क्लब संखुवासभा र चारतारे युथ क्लब मोरङबीच प्रतिस्पर्धा हुनेछ । यस्तै, चौथो दिन माघ २० गते गाइघाट फुटबल क्लब उदयपुर र सिंहदेवी फुटबल क्लब धनकुटाबीच प्रतिस्पर्धा हुनेछ ।

माघ १७ र १९ गतेका विजेता टिमले माघ २१ गते पहिलो सेमिफाइनलमा प्रतिस्पर्धा गर्नेछन् भने माघ १८ र २० गतेका विजेता टिमले माघ २२ गते अन्तिम सेमिफाइनल खेलमा प्रतिस्पर्धा गर्नेछन् ।

अघिल्लो वर्ष भएको प्रतियोगितामा बिटिएफसी (भगिमान तुम्बाहाम्फे फुटबल क्लब)तेह्रथुमले उपाधि जितेको थियो । माघ २४ गते फाइनल खेल हुनेछ ।

साथै, उद्घाटन खेलको अवसर पारेर क्लबका संस्थापक अध्यक्ष, संस्थापक सदस्यहरू, पूर्व अध्यक्षहरूलाई सम्मानसमेत गरिएको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार