मंग्सिर ४, २०८३ शुक्रबार November 20, 2026

धरानमा ‘प्रदेश प्रिमियर लिग’ फुटबल प्रतियोगिता हुने

प्रतियोगितामा कोशी प्रदेशका ११ जिल्ला च्याम्पियन फुटबल क्लबबीच प्रतिस्पर्धा हुने

शेयर गर्नुहोस:
फन्ट परिवर्तन गर्नुहोस: अ अ अ

धरान (सुनसरी), २५ माघः धरानमा यही माघ २८ गतेदेखि फागुन ८ गतेसम्म प्रदेश प्रिमियर लिग फुटबल प्रतियोगिता हुने भएको छ । आज एन्फा एकेडेमीमा पत्रकार सम्मेलनमा कोशी प्रदेश फुटबल सङ्घको आयोजनामा धरान उपमहानगरपालिका–१६ स्थित रङ्गशालामा उक्त प्रतियोगिता हुने सङ्घका अध्यक्ष किशोर राईले जानकारी दिनुभयो ।

उहाँका अनुसार उक्त प्रतियोगितामा कोशी प्रदेशका ११ जिल्ला च्याम्पियन फुटबल क्लबबीच प्रतिस्पर्धा हुनेछ । जिल्लाका क्लबलाई नेपाली फुटबलको महत्वपूर्ण राष्ट्रिय लिग ‘ए’ डिभिजनका लागि खेल्ने अवसर प्रदान गर्न प्रदेश प्रिमियर लिगको आयोजना गर्न लागिएको अध्यक्ष राईले बताउनुभयो ।

उहाँले भन्नुभयो, “प्रिमियर लिगमा सहभागी ११ जिल्ला च्याम्पियन क्लबबीच हुने प्रतियोगिताबाट दुई वटा पहिलो र दोस्रो हुने लिग विजेता क्लब अन्तर प्रादेशिक लिग फुटबलका लागि छनोट हुनेछन् ।

प्रतियोगिताका चार समूहमा समूह ‘ए’ लोहरुङ फुटबल क्लब सङ्खुवासभा र पाँचथर युनाइटेड फुटबल क्लब पाँचथर रहेका छन् भने समूह ‘बि’ मा गाईघाट फुटबल क्लब उदयपुर, लैबरी फुटबल क्लब भोजपुर, सम्राट स्पोर्टिङ फुटबल क्लब मोरङ रहेका छन् ।

समुह ‘सि’ मा देउराली युवा क्लब धनकुटा, धाइजन चारआली फुटबल क्लब झापा, रेड हर्स फुटबल क्लब इलाम, समूह ‘डि’ मा धरान फुटबल क्लब सुनसरी, प्रगतीशील युवा क्लब ताप्लेजुङ, बुइँपा ११ फुटबल क्लब खोटाङ रहेका आयोजकले जनाएको छ ।

प्रिमियर लिगको सुपर चारका लागि प्रथम पुरस्कार रु दुई लाख, दोस्रो पुरस्कार रु एक लाख ५० हजार, तेस्रो रु एक लाख २५ हजार, चौथो पुरस्कार रु एक लाख रुपैयाँ रहेको अध्यक्ष राईले जानकारी दिनुभयो ।

प्रतियोगितको वेष्ट प्लेयरले रु ५० हजार, वेष्ट गोलकिपर, डिफेन्स, मिड फिल्डर, स्ट्राइकरले रु १५ हजारु पुरस्कार पाउनेछन् भने प्रतियोगिताको १६ प्रत्येक खेलमा म्यान अफ दि म्याच पुरस्कार रु पाँच हजार प्रदान गरिनेछ । अध्यक्ष राईका अनुसार पहाडी जिल्ला च्याम्पियन क्लबलाई प्रिमियर लिग तयारीका लागि रु ६० हजार र तराईका जिल्लालाई रु ५० हजारको तयारी खर्च प्रदान गरिएको छ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार