मंग्सिर ४, २०८३ शुक्रबार November 20, 2026

आहा-रारा गोल्डकपको सेमिफाइनल समीकरण पूरा – ब्ल्याक बुल्स् सेमिफाइनलमा

१२ टिमले भाग लिएको प्रतियोगिताको फाइनल फागुन ३ गते हुने

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं । पोखरा रंगशालामा जारी २४ औं आहारार पोखरा गोल्डकप फुटबल प्रतियोगितामा मंगलबार दुई विदेशी टिमको प्रतिस्पर्धा रोचक रह्यो । मैदानमा थिए, भारतको थन्डरबोल्ट्स नर्थ युनाइटेड क्लब र उज्जेकिस्तानको ब्ल्याक बुल्स एफसी । पहिलोपल्ट आहारारा खेल्न आएका यी टिममा उज्जेकिस्तानको टिमले ३–० गोलअन्तरले जित हात पार्दै सेमिफाइनल यात्रा सुनिश्चित पा¥यो ।

योसँगै जारी संस्करणमा सेमिफाइनल समीकरणसमेत पूरा भएको छ । अब पहिलो सेमिफाइनलमा चर्च ब्वाइज युनाइटेड क्लब र विभागीय नेपाल पुलिस क्लबसँग प्रतिस्पर्धा हुनेछ । दोस्रो सेमिफाइनलमा ब्ल्याक बुल्सले साविक उपविजेता थ्रिस्टारको सामना गर्ने आयोजक सहारा क्लब पोखराले जनाएको छ । आहारारामा पाँचपल्टको विजेता थ्रि स्टारले दोस्रो क्वाटरफाइनलमा मछिन्द्र फुटबल क्लबललाई टाइब्रेकरमा ४–२ गोलअन्तरले पराजित गर्दै अन्तिम चारमा पुगेको हो ।

मंगलबारको खेलमा उज्जेकिस्तानी टिमले पहिलो हाफमा १–० को अग्रता लिएकोमा दोस्रो हाफमा भारतीय टिममाथि हावी हुँदै थप २ गोल जोडेको हो ।

३८ औं मिनेटमा इस्लोमजोन अब्दुकोडिरोभले साभकात्जोनको पासमा सुन्दर प्रहार गर्दै टिमका लागि पहिलो गोल गरेका हुन् । वैकल्पिक खेलाडीको रुपमा छिरेका सायिदजामोल दब्लाजोनोभले ७३ औं मिनेटमा गोल गर्दा त्यसको २ मिनेट नबित्दै अर्को गोल थपिन पुगेको हो । ७५ औं मिनेटमा सभकटजोन सट्टोरोभले डि–बक्स बाहिरबाट गरेको प्रहार गोलमा परिणत भएको थियो । जसले जित सुनिश्चित गरिसकेको थियो । प्रतियोगितामा प्लेयर अफ दि म्याच ब्ल्याक बुल्सका अलीजोन अलिजानोभ घोषित भए ।

थन्डरबोल्टले पहिलो खेलमा संकटा एफसीलाई पराजित गर्दै क्वाटरफाइनल पुगेको हो भने ब्ल्याक बुल्स बाई पाएर सिधैँ क्वाटरफाइनल खेलेको हो ।

बुधबार पहिलो सेमिफाइनल नेपाल पुलिस क्लब र चर्च ब्वाइज युनाइटेडबीच हुनेछ । १२ टिमले भाग लिएको प्रतियोगिताको फाइनल फागुन ३ गते हुनेछ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार