असार २३, २०८२ सोमबार
July 7, 2025
युग खबर
२०८२ बैसाख १०, बुधबार
काठमाडौं । प्रधानमन्त्री केपी शर्मा ओली र ब्राजिलका प्रसिद्ध पूर्वफुटबल खेलाडी रोबर्टो कार्लोसबीच आज सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता भएको छ।
विश्वकप विजेता टोलीका सदस्य समेत रहेका कार्लोस नेपालमा जारी नेपाल सुपर लिग (NSL) को तेस्रो सिजनको खेल अवलोकनका लागि काठमाडौँ आएका हुन्।
भेटका क्रममा प्रधानमन्त्री ओलीले कार्लोसलाई नेपाल आगमनप्रति स्वागत जनाउँदै, “तपाईंको उपस्थितिले नेपाली खेलाडी र युवा पुस्तामा उत्साह थपिएको छ,” भनेका थिए। उनले खेलले राष्ट्रको पहिचान र कूटनीतिक सम्बन्ध प्रगाढ बनाउन भूमिका खेल्ने विश्वास पनि व्यक्त गरे।
प्रधानमन्त्री ओलीले नेपाल र ब्राजिलबीचको दीर्घकालीन कूटनीतिक सम्बन्ध उल्लेख गर्दै, खेलकुद क्षेत्रमा अनुभव र ज्ञानको आदान–प्रदान आवश्यक रहेको बताए। उनले नेपाली फुटबलको विकासका लागि अन्तर्राष्ट्रिय हस्तिहरूको सहयोग महत्वपूर्ण हुने धारणा पनि व्यक्त गरे।
त्यसैगरी, कार्लोसले नेपाली फुटबलमा युवा प्रतिभा देखिएको भन्दै आगामी दिनमा अन्तर्राष्ट्रिय स्तरमा योगदान गर्न सक्ने सम्भावना रहेको बताएका छन्।
भेटघाटपश्चात कार्लोसले नेपाली फुटबलप्रति चासो व्यक्त गर्दै विभिन्न कार्यक्रमहरूमा सहभागी हुने जानकारी गराइएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया