भाद्र ९, २०८३ मंगलबार
August 25, 2026
न्युज डेस्क
२०७६ श्रावण ११, शनिबार
काठमाण्डौः राष्ट्रिय जनमोर्चा निकट अखिल नेपाल कानुन व्यबसायी संघको केन्द्रिय अध्यक्षमा पदम रोका निर्वाचित भएका छन् ।
दुइ दिनसम्म काठमाण्डाैमा सञ्चालन भएको संघको प्रथम राष्ट्रिय सम्मेलनले अधिवक्ता रोकाको अध्यक्षतामा १७ सदस्यीय केन्द्रीय कार्य समिति र ७ जना सल्लाहकार समितिको चयन गरेको छ । निर्वाचित केन्द्रिय समितिको उपाध्यक्षमा क्रमशः रामप्रसाद शर्मा, नुमानन्द आचार्य र विदुर मल्ल चयन भएका छन् भने महासचिवमा लक्ष्मणदेव पाण्डे चयन भएका छन् । उक्त सम्मेलनले सचिवमा चुडामणी भुसाल र कोषाध्यक्षमा राजेन्द्र पुडासैनीलाई निर्वाचित गरेको छ । त्यसैगरी संघको केन्द्रिय सदस्यहरुमा डण्डप्रसाद भट्टराई (दीपक), हेमराज शर्मा, कल्पना खनाल, कृष्ण आचार्य, टीका थापा, आकाश गिरी, चिरञ्जिवी वेल्वासे र हस्तराज रेग्मी निर्वाचित भएका छन् ।
७ सदस्यीय सल्लाहकारहरूमा प्राध्यापक डा. श्रीधर गौतम, घनश्याम न्यौपाने, लक्ष्मी बास्कोटा, काजिगाउँले श्रेष्ठ, लालबहादुर जाग्री, खेमनाथ कोइराला र हिरालाल धामी चयन भएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया