मंग्सिर ४, २०८३ शुक्रबार November 20, 2026

जेठ ४ गतेदेखि राष्ट्रपति रनिङ शिल्ड हुने

स्थानीय तहले आर्थिक भार बहन गर्ने र समितिले खेल व्यवस्थापन गर्नेगरी जिल्ला स्तरीय छनोट

शेयर गर्नुहोस:
फन्ट परिवर्तन गर्नुहोस: अ अ अ

बागलुङ, जेठ ३ गते । बिभिन्न विधामा झण्डै एकसय विद्यार्थी छनोट गर्नेगरी बागलुङ जिल्ला स्तरीय राष्ट्रपति रनिङ शिल्ड हुने भएको छ । जिल्ला खेलकुद विकास समिति बागलुङले जेठ ४ र ५ गते प्रतियोगिता सञ्चालन गर्न लागेको हो ।

प्राविधिक तथा व्यवस्थापकीय कारणले अनिश्चितजस्तै बनेको प्रतियोगिता समितिले अन्तिम समयमा सञ्चालन गर्न लागेको हो । जेठको दोस्रो साता प्रदेश र अन्तिम साता राष्ट्रिय स्तरमा प्रतिस्पर्धा हुँदैछ । प्रदेश खेलकुद परिषदको परिपत्रपछि स्थानीय सरकारसँगको सहकार्यमा प्रतियोगिता सञ्चालन गर्न लागिएको जिल्ला खेलकुद विकास समितिका अध्यक्ष कृष्णप्रसाद कँडेलले जानकारी दिनुभयो ।

चालु आर्थिक वर्षमा प्रदेश सरकारले प्रतियोगिताका लागि बजेटको व्यवस्था नगरेकाले खेल अनिश्चित बनेको थियो । स्थानीय तहले आर्थिक भार बहन गर्ने र समितिले खेल व्यवस्थापन गर्नेगरी जिल्ला स्तरीय छनोट हुन लागेको हो ।

“खेलकुद सञ्चालन नगर्दा राष्ट्रिय स्तरमा पुग्न सक्ने खेलाडीको भविश्य धरापमा पर्ने, सञ्चालन गर्दा बर्खा लागेपछि हिलो र धुलोमा खेल खेलाएको भन्दै आलोचना खेप्नु पर्नेछ”, कँडेलले भन्नुभयो, “हामीले कयौं चुनौतीका बाबजुद खेल सञ्चालन गर्दैछौं ।”

बाङ्गेचौरमा हुने खेलहरुमा झण्डै एक हजार एकसय विद्यार्थी सहभागी हुनेछन् । पालिकास्तरमा छनोट भएका खेलाडीबिच हुने प्रतिस्पर्धाबाट प्रदेश स्तरमा खेल्ने खेलाडी छनोट जिल्लाले गर्नेछ ।

साढे सात लाख रुपियाँ खर्च अनुमान गरिएको प्रतियोगिताका लागि साढे पाँच लाख रुपियाँ स्थानीय तहहरुले व्यहोर्ने र बाँकी चन्दा सहयोगबाट स्रोत जुटाइने समितिका सचिव किशोर थापाले बताउनुभयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार
आज शुक्रबार, कस्तो रहला तपाईंको दिन ? हेर्नुहोस् राशिफल
२०८३ मंग्सिर ४, शुक्रबार
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार