मंग्सिर ४, २०८३ शुक्रबार November 20, 2026

ताप्लेजुङका चार खेलाडी राष्ट्रिय राष्ट्रपति रनिङशिल्ड प्रतियोगिताका लागि छनोट

समिरको स्वर्ण प्रदर्शनसहित ताप्लेजुङले प्रदेशस्तरीय प्रतियोगितामा ११ पदक हात पार्‍यो

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं, जेठ २७ गते। कोशी प्रदेशस्तरीय राष्ट्रपति रनिङशिल्ड प्रतियोगिताबाट ताप्लेजुङका चार खेलाडी राष्ट्रिय स्तरका प्रतियोगिताका लागि छनोट भएका छन्। विराटनगरमा जेठ २४ देखि २६ गतेसम्म सम्पन्न प्रतियोगितामा उत्कृष्ट प्रदर्शन गर्दै उनीहरू राष्ट्रिय प्रतियोगितामा प्रतिस्पर्धा गर्ने अवसर पाएका हुन्।

जिल्ला खेलकुद विकास समिति ताप्लेजुङका अध्यक्ष नरेन्द्र माबो गणेशका अनुसार छनोट हुने खेलाडीहरूमा मैवाखोला गाउँपालिकाका समिर र मनिता तामाङ, फुङलिङ नगरपालिकाका सविन विश्वकर्मा तथा मेरिङदेन गाउँपालिकाका कैलाश लिम्बू रहेका छन्।

तीन हजार मिटर दौडमा समिरले स्वर्ण पदक जितेका छन् भने १५ सय मिटर दौडमा रजत पदक हात पारेका छन्। उनी राष्ट्रिय प्रतियोगितामा तीन हजार मिटर दौडका लागि छनोट भएका हुन्। यस्तै, मनिता तामाङ कबड्डी प्रतियोगितामा छानिएकी छन्।

फुङलिङ नगरपालिकाका सविन विश्वकर्माले आठ सय र चार सय मिटर दौडमा क्रमशः दुई रजत पदक जित्दै राष्ट्रिय प्रतिस्पर्धाको टिकट पाएका छन्। भलिबलतर्फ मेरिङदेनका कैलाश लिम्बू छनोट भएका छन्।

छनोट भएका चारै जना खेलाडीलाई विराटनगरबाटै काठमाडौँ पठाइएको छ, जहाँ जेठ २८ देखि ३० गतेसम्म राष्ट्रिय राष्ट्रपति रनिङशिल्ड प्रतियोगिता सञ्चालन हुनेछ। बाँकी खेलाडी भने जिल्ला फर्किएका छन्।

ताप्लेजुङले यो पटक प्रदेशस्तरीय प्रतियोगितामा कुल ११ पदक जित्दै उल्लेखनीय सफलता हासिल गरेको छ। प्राप्त पदकहरूमा १ स्वर्ण, ६ रजत र ४ कांस्य पदक छन्।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
आज शुक्रबार, कस्तो रहला तपाईंको दिन ? हेर्नुहोस् राशिफल
२०८३ मंग्सिर ४, शुक्रबार
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार