काठमाडौं, ८ असार । नेपाल राष्ट्रिय शिक्षक संगठनको अध्यक्षमा हंशबहादुर शाही निर्वाचित भएका छन् । संगठनको १४ औं राष्ट्रिय महाधिवेशन अन्तर्गत शनिबार राति भएको मतदानबाट साही अध्यक्ष पदमा चुनिएका हुन् ।
निवर्तमान उपाध्यक्ष कमला थापा र केन्द्रीय सदस्य यामबहादुर कुँवरसहित तीन जनाको अध्यक्ष पदका लागि प्रतिस्पर्धा भएको थियो । जसअनुसार अध्यक्षमा शाही चुनिएका हुन् ।
अध्यक्षमा तीनजनाबीच प्रतिस्पर्धा भएको थियो। निवर्तमान उपाध्यक्ष कमला थापा र केन्द्रीय सदस्य यामबहादुर कुँवर अध्यक्षका प्रत्यासी थिए ।
वरिष्ठ उपाध्यक्षमा जंगबहादुर गर्वुजा, उपाध्यक्षमा गोविन्द भण्डारी, उपाध्यक्ष (महिला) तर्फत अम्बिका चापागाई महासचिवमा प्रकाश खनाल, कोषाध्यक्षमा नरवहादुर रावल, उपमहासचिवमा श्रीराम दाहाल, सचिवमा वामदेव सुवेदी र सचिव (महिला) तर्फ वेणु काफ्ले निर्वाचित भएका छन् । उपाध्यक्ष (महिला) तर्फत अम्बिका चापागाईंलाई भने चुनिएको थियो । महाधिवेशनमा ४७८ प्रतिनिधि थिए ।
प्रतिक्रिया