मंग्सिर ४, २०८३ शुक्रबार November 20, 2026

राममेछापमा भलिबल प्रशिक्षकहरूको आधारभूत तालिम शुरु

खेलकुदको माध्यमबाट युवाको सृजनशीलता विकास र सामाजिक एकता सुदृढ गर्नुपर्नेमा जोड

शेयर गर्नुहोस:
फन्ट परिवर्तन गर्नुहोस: अ अ अ

रामेछाप । स्वास्थ्यका लागि खेलकुद, राष्ट्रका लागि खेलकुद भन्ने नारा सहित रामेछापको मन्थलीमा भलिबल प्रशिक्षकहरूको लागि एक हप्ते आधारभूत तालिम सुरु भएको छ ।

असार ११ गतेदेखि १७गतेसम्म सञ्चालन हुने तालिममा रामेछाप, सिन्धुली र दोलखा जिल्लाका स्थानीय तहमा कार्यरत भलिबल प्रशिक्षकहरूको सहभागिता रहेको छ ।

जिल्ला खेलकुद विकास समिति रामेछापको आयोजनामा सञ्चालित तालिममा जम्मा ३३ जना प्रशिक्षार्थी सहभागी छन् । प्रशिक्षकहरूको व्यावसायिक क्षमता अभिवृद्धि गर्नुका साथै स्थानीयतहमा खेलकुदको पहुँच विस्तार गर्ने उद्देश्यसहित तालिम सञ्चालन गरिएको आयोजकले जानकारी दिएको छ ।

बुधवार मन्थलीमा सम्पन्न उद्घाटन समारोह मन्थली नगरपालिकाका प्रमुख लव श्रेष्ठको प्रमुख आतिथ्य तथा जिल्ला खेलकुद विकास समिति रामेछापका अध्यक्ष सिताराम कार्कीको अध्यक्षतामा सम्पन्न भएको हो ।

कार्यक्रममा जिल्ला खेलकुद विकास समिति, विभिन्न खेल संघ–संगठनका प्रतिनिधि, मन्थली नगरपालिका तथा स्थानीय तहका पदाधिकारीहरूको उपस्थिति रहेको थियो । उद्घाटन सत्रमा सहभागीहरूले खेलकुदको माध्यमबाट युवाको सृजनशीलता विकास र सामाजिक एकता सुदृढ गर्नुपर्नेमा जोड दिएका थिए ।

कार्यक्रममा बोल्दै वक्ताहरूले प्रशिक्षकहरूलाई आधुनिक प्रविधि र व्यावसायिक ज्ञानमा सशक्त बनाएर खेलकुद क्षेत्रको दीर्घकालीन विकास सम्भव हुने धारणा व्यक्त गरे ।

उनीहरूले दक्ष जनशक्ति नै खेलकुदको आधार भएको उल्लेख गर्दै यस्ता तालिमहरूलाई नियमित रूपमा आयोजना गर्नुपर्ने बताए । तालिममा राष्ट्रिय खेलकुद परिषद्  (राखेप) का प्रमुख भलिबल प्रशिक्षक जगदीशभट्टले प्रशिक्षण दिइरहेका छन् ।

उनले आधुनिक प्रशिक्षण प्रविधि, व्यायामका वैज्ञानिक विधि, खेलकुदको नियमतथा संरचना विषयमा सहभागीप्रशिक्षकहरूलाई व्यावहारिक अभ्यासमार्फत सशक्त बनाउन प्रयासरत रहेको बताए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार