राष्‍ट्रपति पौडेल समक्ष पाँच देशका राजदूतद्धारा ओहोदाको प्रमाणपत्र पेश

काठमाडौँ । राष्ट्रपति रामचन्द्र पौडेल समक्ष नेपालका लागि पाँच देशका नवनियुक्त राजदूतहरूले बिहीबार आफ्नो ओहोदाको प्रमाणपत्र पेश गरेका छन्।

राष्ट्रपतिको कार्यालयका अनुसार, उज्वेकिस्तान, रोमानिया, ताजकिस्तान, आइसल्याण्ड र क्यूबाका राजदूतहरूले छुट्टाछुट्टै समारोहमा आ–आफ्नो ओहोदाको प्रमाणपत्र राष्ट्रपति समक्ष पेश गरेका हुन्।

समारोहमा, नवनियुक्त राजदूतहरूलाई लाजिम्पाटदेखि राष्ट्रपति भवनसम्म रिसल्ला सहितको बग्गीमा सवार गराइएको थियो। यो परम्परागत स्वागत समारोहले कूटनीतिक मर्यादा र आदरको भाव झल्काएको छ।

राष्ट्रपति पौडेलले राजदूतहरूसँग छलफल गर्दै दुईदेशीय सम्बन्धलाई अझ मजबुत बनाउन र क्षेत्रीय तथा अन्तर्राष्ट्रिय सहकार्यलाई प्रवद्र्धन गर्न सबै राजदूतहरूसँग सकारात्मक सम्बन्ध कायम राख्न आग्रह गरेका छन्।

समारोहमा विदेश मन्त्रालयका वरिष्ठ अधिकारीहरू र सम्बन्धित देशका कूटनीतिक प्रतिनिधिहरू पनि उपस्थित थिए।