मंग्सिर ३, २०८३ बिहिबार November 19, 2026

स्पेन छिर्ने क्रममा ९ अफ्रिकन आप्रवासीको गयो ज्यान

शुक्रवार पनि थप सयौं आप्रावासीहरू सिमा नजिक आइपुगेको अनुमान

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, १५ साउन । छिमेकी मुलुक मोरक्कोबाट आप्रवासीहरूको ठूलो समूह उत्तर अफ्रिकामा रहेको स्पेनको भूभाग ‘सेउटा’को सीमा पार गर्ने क्रममा कम्तीमा ९ जनाले ज्यान गुमाएका छन ।

सेउटा सरकारले बिहीबार पछिल्लो १० दिनको अवधिमा १ हजार ५ सय देखि २ हजार जना मानिसहरू त्यहाँ प्रवेश गरेको जानकारी दिएलगत्तै यी मृत्युका घटनाहरू सार्वजनिक भएका हुन्। शुक्रवार पनि थप सयौं आप्रावासीहरू सिमा नजिक आइपुगेको अनुमान गरिएको छ ।

यसै परिस्थितिका कारण क्षेत्रीय अध्यक्ष जेसस भिभासले ‘पूर्ण मानवीय तथा सामाजिक संकटकाल’ घोषणा गर्दै सीमामा पुनः नियन्त्रण कायम गर्न सेना पठाउन मड्रिडसँग आग्रह गरेका छन्।

स्पेनको गृह मन्त्रालयले आप्रवासी संकटको अवस्थामा राष्ट्रिय आपतकाल घोषणा गर्नुपर्ने मागलाई अस्वीकार गरे पनि मन्त्रालयले थप स्रोत साधन उपलब्ध गराउने प्रतिबद्धता जनाएको छ। जसअनुसार गृह मन्त्रालयले सीमा क्षेत्रको सुरक्षा सुदृढ गर्न स्पेनी सेनाका ६० जना जवानहरू खटाइएको छ।

भिडियो फुटेजमा केही आप्रवासीहरू स्पेनको भूभागमा प्रवेश गर्दा ‘भिभा एस्पाना’ अर्थात स्पेन जिन्दाबाद भन्दै नारा लगाइरहेको देखिन्थ्यो । उनीहरूमध्ये धेरैजसो मोरोक्कोतर्फबाट हावा भरिने साना डुङ्गा वा साधनहरूको प्रयोग गरी जलमार्ग हुँदै आएका थिए।

आप्रवासी अधिकारकर्मी जकारिया जारोकीका अनुसार आप्रवासीहरूको संख्यामा देखिएको यो वृद्धि मे २०२१ को घटनासँग मिल्दोजुल्दो छ । त्यतिबेला केही दिनभित्रै करिब १० हजार मोरोक्कन र उप सहारा क्षेत्रका युवाहरू उक्त स्पेनिस भूभागमा प्रवेश गरेका थिए।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार