उपत्यकामा हालसम्मकै उच्च कोरोना संक्रमितहरु फेला परे- एकैदिन ८५९ जनामा संक्रमण पुष्टि

काठमाडौंः काठमाडौं उपत्यकामा पछिल्लो २४ घण्टामा हालसम्मकै उच्च कोरोना भाइरसका संक्रमितहरु फेला परेका छन् । स्वास्थ्य तथा जनसंख्या मन्त्रालयका आनुसार पछिल्लो २४ घण्टामा उपत्यकामा ८५९ जनामा संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता प्राडा गौतमले काठमाडौं जिल्लामा ६९८, भक्तपुरमा ८२ र ललितपुरमा ७९ जनामा संक्रमण पुष्टि भएको बताए । आज देशभर २ हजार २० जनामा संक्रमण पुष्टि भएसंगै कुल संक्रमितको संख्या ६१ हजार ५९३ पुगेको छ । आज सक्रिय संक्रमितको संख्या १७ हजार ३८३ रहेको प्रवक्ता गौतमले नियमित प्रेश मिटमा जानकारि दिए ।

यस्तै नेपालमा कोरोना भाइरस संक्रमणबबाट मृत्यु हुनेको संख्या ३९० पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ७ जनाको मृत्यु भएसंगै मृतकको संख्या ३९० पुगेको हो ।

यस्तै आजै थप ८७१ जना कोरोना संक्रमितहरु डिस्चार्ज भएसंगै संक्रमण मुक्त भएर घर फर्किनेको संख्या ४३ हजार ८२० पुगेको छ । यो संख्या कुल संक्रमितको ७१ दशमलव १ प्रतिशत हो ।