हंसपुर नगपालिकाका मेयर यादवको निधन

जनकपुरधाम । धनुषाको हंसपुर नगरपालिकाका नगर प्रमुख प्रदीपकुमार यादवको मस्तिष्क घातका कारण सोमबार राति निधन भएको छ ।

गत बिहीबार राति एकाएक बेहोस भएपछि मेयर यादवलाई जनकपुरको न्युरो अस्पतालमा भर्ना गरिएको थियो । तर उपचार सम्भव नभएपछि थप उपचारका लागि उहाँलाई काठमाडौँ लगिएको थियो ।

काठमाडौँस्थित नर्भिक अस्पतालमा उपचारकै क्रममा सोमबार राति उहाँको निधन भएको हो । करिब ५५ वर्षका यादव नेपाली कांग्रेसबाट नगर प्रमुखमा निर्वाचित हुनुभएको थियो ।

धनुषा काँग्रेसले मेयर यादवको निधनबाट पार्टीका एक इमान्दार नेता एवं समाजसेवीलाई गुमाउनु परेको भन्दै दु:ख व्यक्त गरेको छ ।