नेपालमा थप १६ जनाको कोरोना संक्रमणबाट ज्यान गयो

काठमाडौंः नेपालमा पछिल्लो २४ घण्टामा थप १६ जनाको कोरोना भाइरस संक्रमणबाट मृत्यु भएको छ ।

स्वास्थ्य तथा जनसंख्या मन्त्रालयका अनुसार १६ जना स.क्रमितको मृत्यु भएसंगै मृतकको कुल संख्या ४२७ पुगेको छ । यस्तै पछिल्लो २४ घण्टामा नेपालमा थप १ हजार १५४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता प्रा डा जागेश्वर गौतमले देशभरका बिभिन्न प्रयोगशालामा ९ हजार ५३३ जनामा पीसीआर परिक्षण गर्दा १ हजार १५४ जनामा कोरोना संक्रमण पुष्टि भएको जानकारि दिए ।

यो सँगै नेपालमा कुल संक्रमितको संख्या ६५ हजार २७६ पुगेको छ । आज सक्रिय संक्रमितको संख्या  १७ हजार ६११रहेको प्रवक्ता गौतमले जानकारि दिए ।

यस्तै थप १ हजार ५ जना कोरोना संक्रमितहरु डिस्चार्ज भएका छन् । नेपालमा कोरोना संक्रमणबाट मुक्त भइ घर फर्किनेको संख्या ४७ हजार २३८ पुगेको छ । यो संख्या कुल संक्रमितको ७२ प्रतिशत हो । आज देशभर ७४०३ जना क्वारेन्टाइनमा रहेको प्रवक्ता गौतमले बताए ।