बागमती प्रदेशसभाको बैठक आज बस्दै

बागमती । बागमती प्रदेशसभाको बैठक आज बिहान ११ः०० बजे बस्ने भएको छ। बैठकमा विभिन्न विधेयकहरूको सैद्धान्तिक पक्षमा छलफल गर्ने र त्यसपछि दफावार छलफलका लागि सम्बन्धित विषयगत समितिमा पठाउने कार्यसूची रहेको प्रदेशसभा सचिवालयका सचिव रामकुमार पौडेलले जानकारी दिए।

यसअघि गत चैत २५ र २६ गते बसेको बैठकमा ‘प्रदेश आर्थिक कार्यविधि तथा वित्तीय उत्तरदायित्व सम्बन्धी विधेयक २०८२’ तथा ‘प्रदेश खानेपानी तथा सरसफाइ सम्बन्धी विधेयक २०८२’ प्रस्तुत भई सामान्य छलफल भइसकेको थियो।

आजको बैठकमा ती विधेयकहरूको सैद्धान्तिक पक्षमा थप छलफल गरी दफावार अध्ययनका लागि समितिमा पठाइने र त्यहाँबाट प्राप्त सुझाव समेटेर प्रतिवेदन तयार पारिने जनाइएको छ।