श्रावण २, २०८२ शुक्रबार
July 18, 2025
युग खबर
२०७७ असोज २०, मंगलबार
काठमाडौंः सत्तारुढ दल नेपाल कम्युनिस्ट पार्टी (नेकपा)ले २३ दिनदेखि अनसनरत डा. गोविन्द केसीलाई अनसन अन्त्य गर्न आग्रह गरेको छ ।
मंगलबार अपरान्ह प्रधानमन्त्रीको सरकारी निवास बालुवाटारमा बसेको पार्टी सचिवालय बैठकले डा. केसीलाई अनसन अन्त्य गर्न आग्रह गरेको पार्टीका प्रवक्ता नारायणकाजी श्रेष्ठले जानकारी दिए ।
बैठकपछि पत्रकारसँग कुरा गर्दै प्रवक्ता श्रेष्ठले डा. केसीलाई अनसन अन्त्य गर्नका लागि सरकारले पत्र पठाएको बारे प्रधानमन्त्री केपी शर्मा ओलीले जानकारी दिएको बताए ।
डा. केसीले चिकित्सा शिक्षा क्षेत्र सुधारका विषयमा सरकारले गरेका केही सम्झौता कार्यान्वयन भएको र केही कार्यान्वयनका क्रममा रहेको र ती कार्यान्वयन हुँदै जाने श्रेष्ठले बताए ।
यस्तै, बैठकमा सांगठनीक एकीकरणका बाँकी काम पूरा गर्नेबारे, संगठन विभागको संगठानात्मक कार्ययोजनासम्बन्धी प्रस्ताव, संवैधानिक नियुक्तिका लगायतका एजेण्डामा सामान्य छलफल भएको प्रवक्ता श्रेष्ठले बताए । मन्त्रिपरिषद् हेरफेरबारे कुनै छलफल नभएको उनको भनाइ छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया