मंग्सिर ३, २०८३ बिहिबार November 19, 2026

विश्वकप : हाइटीलाई ४–२ पराजित गर्दै मोरक्को विजयी

समान अंक भए पनि गोल अन्तरको आधारमा ब्राजिल शीर्षस्थानमा रहेर नकआउट चरण प्रवेश

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । हाइटीको कडा चुनौतीलाई पन्छाउँदै मोरक्को फिफा विश्वकप २०२६ को अन्तिम ३२ (नकआउट चरण) मा प्रवेश गरेको छ । बिहीबार बिहानका राति भएको समूह ‘सी’ को रोमाञ्चक भिडन्तमा मोरक्कोले पुनरागमन गर्दै हाइटीमाथि ४–२ को जित दर्ता गरेको हो ।

लामो समयपछि विश्वकपमा फर्किएको क्यारेबियन राष्ट्र हाइटीले खेलमा दुई पटक सुरुवाती अग्रता लिँदै मोरक्कोलाई दबाबमा राखेको थियो । विश्वकप इतिहासमै आफ्नो पहिलो अंक जोड्ने दाउमा रहेको हाइटीको सपनालाई मोरक्कोका वैकल्पिक खेलाडीले समाप्त पारिदिए ।

खेलको १० औँ मिनेटमै मोरक्कोका गोलकिपर यासिन बोनोबाट आत्मघाती गोल भएपछि हाइटीले अप्रत्याशित सुरुवाती अग्रता लिएको थियो । तर, ३९ औँ मिनेटमा स्टार डिफेन्डर अकराफ हाकिमीले गोल गर्दै मोरक्कोलाई १–१ को बराबरीमा ल्याए । खेलको ४३ औँ मिनेटमा विल्सन इसिडोरले गोल गरेपछि हाइटीले पुनः २–१ को अग्रता बनायो । हानेको केही मिनेटमै अर्थात् पहिलो हाफको इन्जुरी समयमा इस्माइल साइबारीले गोल गर्दै मोरक्कोलाई फेरि २–२ को बराबरी स्थितिमा पुर्‍याए ।

दोस्रो हाफमा मोरक्कोका वैकल्पिक खेलाडीहरू चम्किए । ७८ औँ मिनेटमा सुफियाने राहिमीले गोल गर्दै मोरक्कोलाई खेलमा पहिलो पटक ३–२ को अग्रता दिलाए भने ८९ औँ मिनेटमा जेसिम यासिनले गोल गरेपछि मोरक्कोले ४–२ को रोमाञ्चक जित दर्ता गर्‍यो ।

यो जितसँगै मोरक्को समूह ‘सी’ को उपविजेता बन्दै अर्को चरणमा पुगेको हो । यसै समूहको अर्को खेलमा स्कटल्यान्डलाई ३–० ले पराजित गरेको ब्राजिल शीर्ष स्थानमा रह्यो ।

३ खेलबाट ७ अंक जोडेको मोरक्को समूहको उपविजेता बनेको हो । समान अंक भए पनि गोल अन्तरको आधारमा ब्राजिल शीर्षस्थानमा रहेर नकआउट चरण प्रवेश गरेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार