मंग्सिर ३, २०८३ बिहिबार November 19, 2026

ब्राजिलको हारसँगै अन्तर्राष्ट्रिय फुटबलबाट बिदा भए नेइमार

विश्वकपको अन्तिम १६ मै रोकियो ब्राजिल, नेइमारले लिए सन्न्यास

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । ब्राजिलका स्टार फरवार्ड नेइमारले राष्ट्रिय टोलीबाट सन्न्यासको घोषणा गरेका छन् । फिफा विश्वकपको अन्तिम १६ मा नर्वेसँग २- १ गोलले पराजित हुँदै ब्राजिल प्रतियोगिताबाट बाहिरिएपछि उनले अन्तर्राष्ट्रिय फुटबल यात्रालाई पूर्णविराम दिएका हुन् ।

अमेरिकाको मेटलाइफ रंगशालामा आइतबार भएको खेलपछि भावुक बनेका ३४ वर्षीय नेइमार मैदानमै आँसु झार्दै देखिएका थिए । उनले यही रंगशालाबाट आफ्नो यात्रा सुरु भएको र यहीँ अन्त्य भएको भन्दै अब राष्ट्रिय टोलीका लागि नखेल्ने घोषणा गरे ।

नेइमार मे महिनामा सान्तोस फुटबल क्लबबाट खेल्ने क्रममा पिँडुलाको चोट बोकेका कारण विश्वकप टोलीमा पर्ने वा नपर्नेमा अन्योल थियो । तर प्रशिक्षक कार्लो आन्सेलोटीले उनलाई अन्तिम टोलीमा समेटेका थिए । यद्यपि उनले समूह चरणका कुनै पनि खेलमा सुरुआती अवसर पाएनन् ।

नर्वेविरुद्धको खेलमा उनले ६७औँ मिनेटमा मैदान प्रवेश गरेका थिए । त्यसबेला खेल गोलरहित बराबरीमा थियो । त्यसपछि नर्वेका स्टार फरवार्ड इर्लिङ हालान्ड ले ७९औँ मिनेटमा टोलीलाई अग्रता दिलाए भने ९०औँ मिनेटमा पेनाल्टी क्षेत्रबाहिरबाट उत्कृष्ट प्रहार गर्दै दोस्रो गोल गरेका थिए ।

इन्जुरी समयतिर नर्वेका रक्षक लियो ओस्टिगार्डले कासेमिरोलाई पेनाल्टी क्षेत्रमा हेडरका क्रममा कुहिनो प्रहार गरेपछि ब्राजिलले पेनाल्टी पाएको थियो । नेइमारले उक्त अवसरलाई गोलमा परिणत गर्दै अन्तर्राष्ट्रिय करियरको अन्तिम गोल गरेका हुन् । गोलपछि उनले नर्वेका गोलरक्षक ओर्जान निलान्डसँग केही भनाभनसमेत गरेका थिए ।

यो गोलसँगै नेइमारको ब्राजिलका लागि कुल ८० अन्तर्राष्ट्रिय गोल पुगेको छ । उनले ब्राजिलका महान् फुटबलर पेलेको ७७ गोलको कीर्तिमानलाई तीन गोलले पछि पारेका छन् । तर पेलेले जितेका तीन विश्वकप उपाधि भने नेइमारले जित्न सकेनन् ।

ब्राजिलले पछिल्लोपटक सन् २००२ मा विश्वकप जितेको थियो । नेइमार राष्ट्रिय टोलीमा रहँदा ब्राजिल विश्वकपमा क्वार्टरफाइनलभन्दा अघि बढ्न सकेको थिएन । यसपटकको हारसँगै सन् १९९० यता पहिलो पटक ब्राजिल विश्वकपको अन्तिम १६ चरणबाटै बाहिरिएको हो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार