मंग्सिर ३, २०८३ बिहिबार November 19, 2026

हालै विश्वकप खेलेका दक्षिण अफ्रिकी मिडफिल्डर जेडनको ‘रहस्यमय मृत्यु’

शनिबार बिहान मध्य केप टाउनको उपनगर स्कट्सचेक्लुफस्थित एक घरमा २५ वर्षीय पुरुषको शव फेला परेपछि अनुसन्धान सुरु

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, २८ असार । विश्वकपमा आफ्नो देशको प्रतिनिधित्व गरेको केही हप्तापछि नै दक्षिण अफ्रिका तथा मामेलोडी सन्डाउन्सका मिडफिल्डर जेडेन एडम्सको २५ वर्षको उमेरमा निधन भएको छ।

एडम्सले हालका सबै प्रतियोगितामा दक्षिण अफ्रिकाका सबै तीनवटा समूह चरणका खेलहरू खेलेका थिए। टोली नकआउट चरणमा पुगे पनि ‘राउन्ड अफ ३२’ मा सह आयोजक क्यानडासँग पराजित भएको थियो।

दक्षिण अफ्रिकाका खेलकुद, कला तथा संस्कृति मन्त्री गेइटन म्याकेन्जीले एक विज्ञप्तिमा भने, ‘जेडेन एडम्सको निधनको खबर सुन्दा मलाई गहिरो स्तब्धता र दुःख लागेको छ।’

‘दक्षिण अफ्रिकी फुटबलले आफ्ना एक उत्कृष्ट युवा प्रतिभा गुमाएको छ। एकेडेमीको एक होनहार खेलाडीबाट पूर्ण अन्तर्राष्ट्रिय खेलाडी बन्दासम्म उनलाई हेरेका लाखौं समर्थक, उनका सहकर्मी र परिवारसँगै हाम्रो राष्ट्र पनि शोकमा डुबेको छ।’

शनिबार बिहान मध्य केप टाउनको उपनगर स्कट्सचेक्लुफस्थित एक घरमा २५ वर्षीय पुरुषको शव फेला परेपछि अनुसन्धान सुरु गरिएको दक्षिण अफ्रिकी प्रहरीले जनाएको छ।

म्याकेन्जीले थपे, ‘जेडेनको निधनको कारण अझै पुष्टि भइसकेको छैन। म सञ्चारकर्मी र सर्वसाधारणलाई संयमता र सहानुभूति अपनाउन तथा अनुमान वा अड्कलबाजी नगर्न आग्रह गर्दछु ताकि यस अत्यन्त कठिन घडीमा उनका परिवारलाई आवश्यक पर्ने गोपनीयता र समय उपलब्ध हुन सकोस्। कुनै पनि आधिकारिक जानकारी उपयुक्त निकायहरूद्वारा उचित समयमा सार्वजनिक गरिनेछ।’

खेल सुरु हुनुभन्दा केही घण्टाअघि मात्रै आफ्नी हजुरआमाको निधन भएको खबर पाएका भए पनि ‘ग्रुप ए’ अन्तर्गत चेक गणतन्त्रविरुद्धको खेलमा जुन १–१ को बराबरीमा सकिएको थियो, एडम्सले सुरुवाती टोलीबाट खेलेका थिए।

सन् २०२२ मा राष्ट्रिय टोलीका लागि डेब्यु गरेका एडम्सको असामयिक निधनबाट आफूहरू मर्माहत भएको दक्षिण अफ्रिकी फुटबल खेलाडी संघले जनाएको छ।

जेडेनले हालै मात्र गर्व, साहस र उत्कृष्ट प्रदर्शनका साथ राष्ट्रको आशा बोकेर सन् २०२६ को विश्वकपका लागि दक्षिण अफ्रिकाको प्रतिनिधित्व गरेका थिए।  ‘उनको निधन उनका परिवार, सहकर्मी खेलाडी, क्लब, फुटबल जगत र समग्र देशका लागि अपूरणीय क्षति हो,’ संघले भनेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार