श्रावण १९, २०८३ मंगलबार
August 4, 2026
युग खबर
२०८३ श्रावण १९, मंगलबार
काठमाडौं, १९ साउन । सुनसरीको देवानगञ्जमा भएको गोली काण्डमा परी आज मृत्यु भएका रबिन्द्र मेहताको परिवारजनलाई राष्ट्रिय मुक्ति पार्टीका अध्यक्ष राजेन्द्र महतोले भेटघाट गरेका छन् ।
उपचारको क्रममा निधन भएको खबर पाएसँगै त्रिवि शिक्षण अस्पताल पुगेर उहाँको पार्थिव शरीरमा श्रद्धाञ्जली अर्पण गर्दै शोकाकुल परिवारजनमा सान्त्वना व्यक्त गरेका हुन ।
तत्पश्चात् राष्ट्रिय ट्रमा सेन्टर पुगेर घाइते अमित यादव र बालक आनन्द दासको स्वास्थ्य अवस्थाबारे जानकारी महतोले लिएका थिए । पीडित परिवार र घाइतेहरूको भावना अनुसार यस घटनाको सत्यतथ्य बाहिर ल्याउन तत्काल उच्चस्तरीय छानबिन आयोग गठन गरी दोषीमाथि कडा कारबाही र पीडितलाई पूर्ण न्याय दिन सरकारसँग उनले माग गरेका छन ।
‘दिवङ्गत रबिन्द्र मेहताप्रति भावपूर्ण श्रद्धाञ्जली, घाइतेहरूको शीघ्र स्वास्थ्य लाभको कामना तथा शोकसन्तप्त परिवारजनमा गहिरो समवेदना व्यक्त गर्दछु’ उनले पीडित परिवारसँगको भेटमा भने ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया