भाद्र २०, २०८३ शनिबार
September 5, 2026
युग खबर
२०८३ भाद्र २०, शनिबार
काठमाडौं । नेकपा एमाले सम्पर्क विशेष कमिटीले रसुवा बाढी घाइतेहरूको उपचारमा सहयोग पुर्याउने उद्देश्यले रक्तदान कार्यक्रम आयोजना गरेको छ ।
शनिवार एमाले पार्टी कार्यालय, च्यासलमा रक्तदान कार्यक्रम आयोजना गरिएको हो । कार्यक्रममा पार्टीका नेता, कार्यकर्ता तथा शुभेच्छुकहरूले रक्तदान गरेका छन् । प्रभावित घाइतेहरूको उपचारमा आवश्यक रगतको अभाव हुन नदिन सहयोग गर्ने उद्देश्यले कार्यक्रम आयोजना गरिएको आयोजकले जनाएको छ ।
सम्पर्क विशेष कमिटीले मानवीय सेवामा योगदान पुर्याउने उद्देश्यले नेपाल रेडक्रस सोसाईटीको सहयोगमा रक्तदान कार्यक्रम आयोजना गरिएको जनाएको छ । गत भदौ १० गते रसुवाको भोटेकोशीमा आएको बाढीले ठूलो मानविय तथा भौतिक क्षति पुर्याएको छ ।
बाढीमा परि ज्यान गुमाएका १ हजार ३ सय ४४ जनाको शव फेला परेको छ भने पाँच हजार अझै सम्पर्कविहीन छन् । बाढीपछि घाईते भएका ५ हजार ६ सय ६३ जनाको उपचार गरिएको छ भने अझै ३ सय १४ जना घाईते विभिन्न अस्पतालमा उपचाररत रहेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया