पत्रकारलाई पैसा बाँडेको आरोपबारे बोल्यो डा.शशाङ्क कोइरालाको सचिवालय

काठमाडौं: कांग्रेस महामन्त्री डा.शशाङ्क कोइरालाका निजी सचिव भरत तिवारीले  भुलबस पत्रकारका हातमा पैसा पुगेको स्पष्टीकरण दिएका छन् ।

केही सञ्चारमाध्याममा कांग्रेस महामन्त्री कोइरालासँग जोडेर पत्रकारलाई दशैं खर्च दिइएको समाचार बाहिर आएपछि सचिव तिवारीले सामाजिक सञ्जाल फेसबुक पेजबाट उक्त्त घटना गल्तिबश भएको स्पष्टीकरण दिएका हुन् ।

तिवारीले राजकुमार नामका आफ्नो आफन्तलाई केहि दिनअघि दसैं खर्च मागेकोले आफु सो खर्च दिन पुग्दा असाबधानीबश गलत नम्बरमा कल गएको र हतारमा गरिएको सम्वादका कारण भूलवस कल रिसिभ गर्ने व्यक्तिले कार्यालय सहयोगी पठाइदिँदा ती सहयोगीको हातमा रकम पर्न गएको स्पष्ट पारेका छन् ।

तिवारीका अनुसार आफु समग्र पत्रकारिता र मिडिया क्षेत्रको व्यवसायिक गरिमा र मर्यादाप्रति म सचेत र संवेदनशील रहेको स्मरण गराउंदै,  हतारमा गरिएको कल डायलले रङ्ग नम्वरमा सम्वाद हुनपुगी भूलवश त्यो सहयोग मैले ती सहयोगीको हातमा पठाएको हुँ। सहयोग लिने व्यक्तिको पहिचान गर्ने क्रममा म बाट कमजोरी तथा त्रुटी  भएको हो। यसबारेमा कांग्रेसका महामन्‍त्री डा शशाङ्क कोइरालालाई कुनै जानकारी नभएको, यो कोईरालाको सरोकारको विषय पनि नभएकोले यो विषयलाई महामन्‍त्री कोइरालासँग जोडेर समाचार सम्रपेषण नगरिदिन आग्रह गर्दै, स्पष्टिकरण दिएका छन ।