मंग्सिर ३, २०८३ बिहिबार November 19, 2026

नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने

आयरल्यान्डसँग जुन ६ मा वर्म्स्लीमा ५० ओभरको खेल र जुन ९ मा सोही मैदानमा टी-२० खेल हुने

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । इंग्ल्यान्ड भ्रमणका क्रममा नेपालले बंगलादेशसँग लर्ड्समा खेल्नेछ। मेरिलेबोन क्रिकेट क्लब (एमसीसी) ले बिहीबार सार्वजनिक गरेको तालिकाअनुसार उक्त टी-२० अन्तर्राष्ट्रिय खेल सन् २०२७ जुन ३ मा हुनेछ।

नेपालले भ्रमणमा स्कटल्यान्ड, बंगलादेश र आयरल्यान्डसँग गरी छ खेल खेल्नेछ। जुन १ मा वर्म्स्लीमा स्कटल्यान्डसँग ५० ओभरको खेलबाट भ्रमण सुरु हुनेछ। बंगलादेशसँग लर्ड्समा खेलेपछि नेपालले आयरल्यान्डसँग चार खेल खेल्नेछ।

आयरल्यान्डसँग जुन ६ मा वर्म्स्लीमा ५० ओभरको खेल र जुन ९ मा सोही मैदानमा टी-२० खेल हुनेछ। बाँकी दुई टी-२० खेल जुन ११ र १२ मा बेकनहममा हुनेछन्।

नेपाल र बंगलादेशबीचको खेल हुने दिन लर्ड्समै मिडलसेक्सको घरेलु टी-२० ब्लास्ट खेल पनि हुनेछ। लर्ड्समा पुरुष अन्तर्राष्ट्रिय र घरेलु क्रिकेटका खेल एकै दिन आयोजना हुन लागेको यो पहिलो अवसर हो। एमसीसीका अनुसार नेपाली र बंगलादेशी दर्शकका लागि टेलिभिजन प्रसारणलाई ध्यानमा राखेर खेलको समय तय गरिएको हो।

नेपालले यसअघि सन् २०१८ मा लर्ड्समा नेदरल्यान्ड्ससँग टी-२० अन्तर्राष्ट्रिय खेलेको थियो। बंगलादेशको पुरुष टोलीका लागि भने यो लर्ड्समा पहिलो टी-२० अन्तर्राष्ट्रिय खेल हुनेछ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार