एसी मिलान एटलान्टासँग ३-० गोलले पराजित

काठमाडौंः गए राति इटालियन सिरी ‘ए’ अन्तर्गत भएको खेलमा एसी मिलान पराजित भएको छ । निकै प्रतिस्प्रधात्मक बनेको उक्त खेलमा एसी मिलान एटलान्टासँग ३–० गोलले पराजित भएको हो ।

उक्त खेलमा एटलान्टाका लागि क्रिस्टियन रोमेरो, जोसेप इलिसिस र डुभान जापटाले एक एक गोल गरे । खेलको १५औं मिनेटमा रोमेरोले गोल गरी एटलान्टालाई अग्रता दिलाए ।

त्यसपछि खेलको ५३औं मिनेटमा जोसेपले र ७७औं मिनेटमा डुभानले गोल गरी एटलान्टालाई जित दिलाए ।

जितसँगै एटलान्टा ३६ अंक जोड्दै चौथो स्थानमा उक्लिएको छ भने पराजित भएको मिलान १९ खेलबाट ४३ अंक जोड्दै शीर्षस्थानमा नै रहेको छ ।