मंग्सिर ६, २०८३ आइतबार November 22, 2026

एसिया कपमा नेपालले आज यूएईसँग खेल्दै

भारत ‘ए’ र पाकिस्तान ‘ए’ बीचको खेल पनि आजै हुँदै

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । एसिया कप राइजिङ स्टार क्रिकेट प्रतियोगितामा नेपालले आज आफ्नो दोस्रो खेल खेल्दैछ। कतारको दोहामा जारी प्रतियोगिताअन्तर्गत नेपालले आज संयुक्त अरब इमिरेट्स (यूएई) को सामना गर्न लागेको हो।

नेपाल र यूएईबीचको खेल नेपाली समयअनुसार बिहान ११ः४५ बजे सुरु हुनेछ। प्रतियोगितामा पहिलो खेलमा ठूलो अन्तरले पराजित भएको नेपाल आज यूएईलाई हराउँदै प्रतियोगितामा पुनरागमन गर्ने लक्ष्यसहित मैदानमा उत्रनेछ।

नेपालले प्रतियोगिताको पहिलो खेलमा भारत ‘ए’ सँग निराशाजनक हार बेहोरेको थियो। भारत ‘ए’ ले दिएको ३३३ रनको विशाल लक्ष्य पछ्याएको नेपाल ११.३ ओभरमै २६ रनमा समेटिएको थियो। ब्याटिङमा कमजोर प्रदर्शन गर्दा नेपालले प्रतियोगिताकै निराशाजनक सुरुवात गरेको थियो।

नेपाल रहेको समूह ‘बी’ मा भारत ‘ए’, पाकिस्तान ‘ए’ र यूएई रहेका छन्। समूह चरणमा बलिया टोलीसँग प्रतिस्पर्धा गरिरहेको नेपालका लागि आजको खेल महत्वपूर्ण हुनेछ। पहिलो खेलको हार बिर्सेर राम्रो प्रदर्शन गर्न सके नेपालले प्रतियोगितामा आफ्नो सम्भावना कायम राख्न सक्छ।

यसै समूहअन्तर्गत भारत ‘ए’ र पाकिस्तान ‘ए’ बीचको खेल पनि आजै हुँदैछ। उक्त खेल दिउँसो ३ः४५ बजे सुरु हुनेछ। समूहका यी दुई बलिया टोलीबीचको प्रतिस्पर्धाले पनि समूहको अंकतालिकामा प्रभाव पार्नेछ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया