नेपालमा थप १२२ जनामा कोरोना संक्रमण पुष्टि – एकैदिन १४४ जना कोरोना संक्रमित डिस्चार्ज

काठमाडौंः नेपालमा पछिल्लो २४ घण्टामा थप १२२ जनामा कोरोना संक्रमण पुष्टि भएको छ । यो सँगै नेपालमा कुल कोरोना संक्रमितको संख्या २ लाख ७२ हजार ८४० पुगेको छ ।

सोमबार १४४ जना कोरोना संक्रमित डिस्चार्ज भएका स्वास्थ्य तथा जनसंख्या मन्त्रालयले जनाएको छ । यो सहित कोरोना संक्रमणमुक्त हुनेको संख्या २ लाख ६९ हजार २०४ पुगेको छ ।

यसैगरी कोरोनाबाट थप १ जनाको मृत्यु भएको छ भने यससँगै मृत्यु हुने कूल संख्या २ हजार ५५ पुगेको छ । हाल देशभर १ हजार ५८१ जना सक्रिय कोरोना संक्रमित रहेका छन् ।